Mithiam ten leimin tur hriat hma theihna system lei dan tur ngaihtuah turin DM&R an ngen

#ZabilianZ Apr 16: Mithiam ten cheng nuai 13 vel senga leimin tur hriat hma theihna - landslide early warning system 50 vel lei dan tur ngaihtuah turin DM&R Directorate an ngen a. A rang lama Ngaizel leh Hlimen bakah AMC huam chhunga lei min awm thinna hmunah te dah theih ni se tha an tih thu an sawi.

Ngaizel leh Hlimen kham atanga lung tla thin tihziaawm dan tur ngaihtuahin vawiin khan CSIR-CIMFR (Council of Scientific and Industrial-Central Institute of Mining and Fuel Research)-a Chief Scientist Dr. C. Sawmliana hovin Aizawl District Disaster Management Authority (ADDMA) puipate an thukhawm a. Ngaizel leh Hlimen tlawh nghalin, DM&R Directorate chu cheng nuai 13 vel senga leimin tur hriat hma theihna - landslide early warning system 50 vel lei dan tur ngaihtuah turin an ngen a ni.#zabilianz

Dr. C. Sawmliana chuan Ngaizel leh Hlimen-a lung tla thin ven dan tura rawtna a neih ang ang te sawiin, Mizorama mithiam te nen tanghova hetiang lama expert company te DPR siam tira, anmahni thawhtir nghal a that thu a sawi a. Senso a san dawn avangin DPR felfai tak nen Central lama thehluh vat chu a kawng hmang tur ber nia a hriat thu sawiin, Mizorama mithiam ten an lo zirchian tawhna te pawh tha a tih thu leh a la tangkai hle tur thu a sawi bawk.

Mithiam te chuan leimin tur hriat hma theihna warning system chu a rang lama Ngaizel leh Hlimen bakah AMC huam chhunga lei min awm thinna hmunah te dah theih ni se tha an tih thu an sawi bawk a ni.#zabilianz #zabilianznews #zofatehuapzo