Excise & Narcotics Deptt-in Jan - March ah Crystal Meth Kg 48.061 an man

#ZabilianZ Apr 15: Kumin Jan - March chhung khan Excise & Narcotics Department-in Crystal Meth Kg 48.061 an man a. Hemi hun chhung vek hian heroin Kg. 15.192 leh Methamphetamine Kg. 44.111 an man bawk.

Excise & Narcotics Department-in a chhinchhiah danin, Kuminah March thla thleng khan rakzu litre 18013.980 leh zu bilh lai/fermented rice tin 52198 an man a. Sap zu (ml 750) um 4453; ml 500 um 22; ml 375 um 764; ml 300 um 4; ml 275 um 3 leh ml 180 um 660 an man.

Hemi hun chhung vek hian Ganja Kg 84.913 bakah damdawi ruih theih - Khuh damdawi 1318; Alprazolam mum 4341; Nitrazepam mum 1450 leh Tramadol mum 388 an man a. Beer (ml 650) um 106; ml 500 can 9516; ml 300 can 2 bakah ramdang zu (lit 1) um 11 leh ml 700 um 7 an man bawk.#zabilianz

Kumin January atanga March thla chhung vek hian Excise & Narcotics Department chuan BEDC litre 462.200; SOJU (ml 360) um 54; Dawidim (Yeast) Kg 59.640 leh zu siamna bungbel 813 an man a. Heng an thil man kaihhnawihah hian lirthei 43 manin, dan bawhchhia mi 1878 an man bawk a ni.

Kumin January atanga March thla thlenga Excise & Narcotics Department-in ruihhlo an man te hi Rs. vbc 195.48 man hu vel nia chhut a ni.

Excise & Narcotics Department-in a chhinchhiah danin, kumin January atanga March thla, thla thum chhungin Mizoramah ruihhlo hmansual avanga nunna chan mi 14 an awm a, an zinga 2 chu hmeichhia an ni. Kum 1984-a heroin ngai pakhat a thih atanga kumin March thla tawp thleng khan ruihhlo avangin mi 1893 an thi tawh nia chhinchhiah a ni a, heng zinga mi 230 te chu hmeichhia an ni.#zabilianz #zabilianznews #zofatehuapzo