May ni 2-ah Rajya Sabha MP hlui vui a ni dawn

#ZabilianZ Apr 30: Tukin dar 8-a Delhi-a thi Rajya Sabha MP hlui Ronald Sapa Tlau, Zonuam veng, Aizawl chu tunkar Zirtawpni May ni 2, 2025 chhun dar 12-a vui tura ruahman a ni.

MPCC Vice President, kum 71 mi Ronald Sapa Tlau hi tunkar Thawhtanni (April ni 28) khan AIIMS damdawi in, Delhi-ah a lung zai a ni a, ziaawm lam pan hleithei lovinm tukin dar 8 khan a thi a. MPCC chuan vawiin khan Congress Bhavan, Aizawl-ah an Vice President sunna hun hi an hmang.

Ronald Sapa Tlau hi February ni 4, 1954-ah Hualtu khua-ah a piang a. Spicer Adventist University, Pune atanga graduate-in, Howard University, USA atangin Communication for rural development a zirchhuak bawk.#zabilianznews

A nupui Ramthanpari Tlau leh an fa te - mipa 2 leh hmeichhe 1 a kalsan a ni.

July ni 19, 2014 atanga July ni 18, 2020 thlengin Rajya Sabha MP a ni a. MP a nih chhungin committee peng hrang hrang - parliamentary committee on health and family welfare; parliamentary committee on sciensce and technology leh parliamentary committee on information technology-ah te member a ni thin.#zabilianznews

MP a nih chhungin Mizoram hmasawnna turin theihtawp a chhuah thin a. Mizoramin medical college a neih theihna tura theihtawp chhuahtu zing ami a ni a, Thenzawla Golf Course din tura theihtawp chhuahtu zingah pawh telin, Zoram Electronics Development Corporation Limited (ZENICS) -ah Chairman a ni thin bawk.

Kum 2003 - 2008 chhungin Mizoram Pradesh Congress Committee (MPCC) General Secretary leh media department chairman niin, kum 2009 - 2014 chhungin chief spokesman leh communication department chairman a ni a. tunah hian MPCC Vice President a ni mek a ni.#zabilianznews

Ronald Sapa Tlau hian politician a nih piahlamah thu leh hla lamah pawh sulhnu chhuanawm tak tak a nei a. A kutchhuak lehkhabu - Raltiang Ram; Sakhaw Zalenna; Zoramthar te leh Hindu Kulmuk tih te chu lehkhabu hlu leh tha tling pha vek an ni bawk.

Zaithiam hranghlui Laltlanthangi'n a lo sak lar thin 'I kianga len ve ka nghakhlel' tih hla a phuah pawh Pathian fakna hla tha leh chuai thei lo niin, tunlaia Mizo mipa Pathian fakna hla hmanga rawngbawltu lar tak Zorema Khiangte bakah zaithiam dang dang ten rawn sa lar thar lehin, Pathianin he hla hi a la hmang zel a ni.#zabilianz #zabilianznews #zofatehuapzo


Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more