#ZabilianZ Apr 14: MNF Sr. Vice President Dr. R. Lalthangliana'n ZPM party chu an kal dan enin an daih rei a rin loh thu vawiin khan a sawi a. An thusawiin na takin a vawlet mek niin a sawi bawk.
Saitual district-a MNF VC tling thar te leh term 7 VC tling tawh te chawimawina, vawiina Keifang Venghlun Zawlbuk-a neihah he thu hi Dr R Lalthangliana chuan a sawi a. "MNF leh Congress kan lo sawrkar tawh a, mipuiin hetiang reng renga sawrkar an nin hma hi a la awm ngai lo" a ti.
MNF Sr. Vice President chuan ZPM chungchang sawizawmin, "Thil tam tak an tiam a, driver pension scheme thlengin an tiam a, an sorkar hma aṭangin mumang ramin an kal a, thlai thar kan lei ang, motor pakhat chauh kan kawl ang, an ti a, an thusawiin na takin a vawlet mek a ni" a ti bawk.#zabilianz
MNF party-ah harh thar lehna a thleng mek nia sawiin, ruling-in LC leh VC zaa 70 vel an lak ṭhin ang pawh a thleng lo tih Dr. R. Lalthangliana chuan a sawi a. "ZPM sawrkar chak ber lai pawhin MNF-in LC leh VC kan la tam hle a, a lawmawm hle a ni" a ti.
LC leh VC inthlan zawh tak tluka ruling hniam taka an awm a la thleng ngai lo niin Dr. R. Lalthangliana chuan a sawi a. MNF LC leh VC te chu danglam bik, ṭha bik, entawntlak ni turin a chah bawk.#zabilianz
MNF Sr. Vice President chuan MNF chu sawrkar leh turin a inbuatsaih leh mek tih sawiin, "policy & programme committee din a ni a, a ki dang deuhin ram mipui zawh tur leh ṭhalaite dinchan theihna tur hawi zawng, thingtlang loneitute dinchhuahna tur kan duang dawn" a ti bawk a ni.#zabilianz #zabilianznews #zofatehuapzo
0 Comments