#ZabilianZ Apr 14: Kum 2022-2023 chhunga Tuirial-a Aizawl khawpui bawlhhlawh paihna hmun - solid waste management centre (SWMC) enkawlnaah sum hman dik tawk loh tam tham tak hmuh chhuah a ni.
Director of Local Fund Audit (DLFA)-in kum 2019-2020 leh kum 2022-2023 chhunga Aizawl Municipal Corporation (AMC) sum hman dan a endikna-ah sum tam tham tak hman dik loh a awm tih a hmuchuak a. DLFA report-a a lan danin Kum 2022-2023 chhunga Tuirial-a Aizawl khawpui bawlhhlawh paihna hmun - solid waste management centre (SWMC) enkawlnaah AMC-in excavator (JCB) 3 a nei chungin ni 255 chhungin mimal ta excavator hman manah Rs. vbc 1.26 vel a seng a. AMC lam chuan an excavator neih 3 te chu a chhiat lai a nih avanga mimal ta hmang an nih thu an sawi thung.#zabilianz
AMC sum endiktu DLFA chuan AMC-in excavator a neih 3 zinga 1 chu SIPMIU atanga an dawn a nih thu leh excavator pahnih leina atana AMC-in a sen Rs. nuai 49.47 chauh a nih laia mimal excavator hmanna atana Rs. 1,25,72,907 sen a nih chungchanga AMC lam chhuanlam chu thil pawmawmah a ngai lo a ni.#zabilianz #zabilianznews #zofatehuapzo
0 Comments