#ZabilianZ Sept. 04: Dampa bial bye-election-a MNF candidate atana ruat MNF Sr. Vice President Dr R. Lalthangliana"n vawiin khan Dampa bial a pan nghal a. Ailawng, Reiek, West Lungdar, Khawrihnim, Hreichuk, Lungphun leh Kanghmun te tlawhin, Dampa bialtu MLA chatuan ram pan ta Lalrintluanga Sailo nupui Lalbiakṭhuami leh a chhung ten an ṭawiawm bawk.
Dr R. Lalthangliana chuan anmahni lo dawngsawngtute hnenah tun ṭuma an kal chu campaign boruaka kal an ni lo nia sawiin, "chhungkaw programme-a lo kal kan ni" a ti a. "Pu Lalrintluanga Sailo sulhnu te fanga, a bial mipuite tlawhchhuaka, thlamuan tura kal kan ni" a ti.
Lalrintluanga Sailo nupui Lalbiakṭhuami pawhin a bial mipui ten a pasal an lo duhsaka, dinhmun zahawm taka an dah tawhnaah lawmthu a sawi a. "Kan pa khan a rilru zawng zawngin a bial hi a veiin a ngaihtuah ṭhin a. Tunah amah a awm taklohah chuan Dr R Lalthangliana, a unaupa ang maia a en a rawn ding dawn a. In rilru leh thinlung zawng zawngin Dr Thangtea hi lo support turin ka ngen che u a ni," tiin bial mipui te a chah ve bawk.#zabilianz #zabilianznews #zofatehuapzo
0 Comments