#ZabilianZ Sept 30: Rural Development & Administration Department Minister Prof. Lalnilawma'n vawiin khan thingtlang khaw hrang hrang library-a dah tur lehkhabu a vailiam.
Lekhabu thawn chhuah hi thingtlang khaw hrang hranga library sa tura hmalakna -establishment of new library in Mizoram project hnuai ami niin, he project hi Special Assistance to States for Capital Investment (SASCI) part-VII hnuaia thingtlang khuate tihhmasawnna tura hmalakna pakhat a nih chu RD&A Minister chuan a sawi a. Chief Minister hmalakna zara Ministry of Finance atanga hmuh niin a sawi.
RD&A Minister chuan Mizoram khaw hrang hranga hmun 273-ah library sa tura ruahman a nih thu leh RD&A Deptt. chu a buaipuitu, nodal department tura ruat a nih thu a sawi bawk.#zabilianznews
Sorkar thuchhuahin a tarlan danin, establishment of new library in Mizoram project-ah hian library building 229 sak thar niin, building awm sa 44 thawmthat a ni tawh a. Bungraw chi hrang hrang - bookshelve, reading table, chair, computer set (with UPS), librarian desk, 3-in-1 printer, LED TV (with two way communication), internet connection, 3KVA power back-up (with battery stand), low height rack for children te dah tura ruahman a ni.
Lehkhabute chu National Book Trush (NBT) leh open market atangtea lei tur niin, a vaiin 281190 lei tura ruahman a ni a, Library pakhat zelin NBT atanga lei lehkhabu 1030 leh open market atanga lei 358 theuh an dawng dawn a. A thawhkhatna atan khaw hrang hrang 69-ah te sem darh phawt a ni dawn tih sorkar thuchhuah chuan a tarlang bawk.#zabilianz #zabilianznews
0 Comments