#ZabilianZ October 01: Mizoram sorkar-in Mizorama ruihhlo lo lut tur ruihhlo dan beihpui - Operation Jericho a kalpui mekah Excise & Narcotics Deptt. (END)-in nimin tlai dar 4:30 khan India leh Myanmar inrina Tiau lui, Tlangsam hmun hlui-ah Heroin gram 118.330 (hawng 10) leh a neitu nia puh Lalrinmawia (47), Tlangsam, Champhai dist. nia insawi chu an man a. Ruihhlo a phurhna Myanmar bike (Kenbo 125) an hrensak bawk.
Heroin vanga man Lalrinmawia hi ND&PS Act, 1985 tlawhchhana thubuai siamsak niin, vawiin khan District & sessions Court, Champhai-ah hruai a ni.
END hian kuminah - September ni 30 - nimin thleng khan Heroin kg 41.432 an man tawh a, Methamphetamine kg 229.890 man tawhin, Crystal Meth kg 48.061, Pseudo Ephedrin kg 7.042 leh Opium kg 1.193 an man tawh bawk.
Hemi hun chhung vek hian END chuan khuh damdawi (cough syrup) 9253, Alprazolam mum 29637, Nitrazepam mum 6865, Tramadol mum 2350, Brupenorphine mum 11 leh Ganja kg 198.853 an man tawh.
Kuminah - September ni 30 - nimin thleng khan END chuan - Sap zu um 15588 bakah a chanve um 2292 leh ml 180 um 1416 an man tawh a. Beer (650 ml) um 260 bakah 500 ml can 24266 leh 330 ml can 23 an man tawh bawk.
Hemi hun chhung vek hian Rakzu litre 52822 bakah, Zu bilh lai tin 101205, Yeast (dawidim) kg 272.640 leh zu siamna bungbel chi hrang hrang 2112 an man tawh a. Ramdang siam zu (1 lit) um 21 bakah 700 ml. um 56, BEDC litre 2441.970 leh Soju (360 ml) um 1137 man tawhin, kuminah - September ni 30 thlengin, zu leh ruihhlo kaihhnawih dan bawhchhia mi 5525 an man tawh a. Zu leh ruihhlo kaihhnawihah lirthei 109 an man tawh bawk.#zabilianz #zabilianznews #zofatehuapzo
0 Comments