#ZabilianZ Oct 30: Champhai-a neih zawh tak Hnahsin Kût chhimtu mi nuai 1 leh sing 2 vel nia chhut a ni a. Hnahsin Kût neihna hmuna stall neitute inhralhna belhkhawm Rs. nuai 200 vel nia chhut a ni.
Hnahsin kut organising committee-in an sawi danin, kût tan hma September thla tawp ațangin hnahsin hmun tlawhtu khawtual mi leh khualzin thahnem tak an awm ṭan tawh a. Taxi (four wheeler leh two wheeler), motor silna neitu, restaurant, kut neihna hmun pawn lama kawng sir leh mahni compound chhunga thil zuar te, Champhai bazar, Aizawl leh Champhai inkar kawnga hotel/restaurant-te leh nepnawi zuar te, Zokhawthar leh a chhehvela lirthei leh sumdawng te inhralhna zawng zawng phei chu cheng nuai za tam tak niin an sawi.
He kut avanga Champhai-a hotel, guest house leh homestay te sum lakluh belhkhawm pawh Rs. nuai 140 vel nia chhut a ni a. Heng hmun neitu ten khualzin an thlen zat an sawi belhkhawm - Mizoram chhung mi 5100; Mizoram pawn mi 805 leh India ram pawn mi 56 an ni a. Hemi let tam tak hi mahni chhung te, thian te leh thawhpui te hnena thleng an awm niin kut organising committee chuan an sawi bawk.#zabilianznews
Hnahsin kût vanga Champhai leh a chhehvela sum che vel leh lut Rs. vbc 15 vel nia chhut a ni.
Khualzin ten Champhai leh a chhehvela sum thahnem tak an thlauh a, khawtual mi ten a zar an lo zo chu he kut an buatsaih chhan pakhat a nih thu kut organising committee chuan an sawi a. Hemi kawngah hian Hnahsin Kût chu a hlawhtling thawkhat nia an hriat thu an sawi. Champhai mipuite pawh khualzin dawnsawn leh mikhual chunga thatchhuah kawngah hma an sawn zel nia sawiin, lawmawm an tih thu an sawi bawk.#zabilianz #zabilianznews #zofatehuapzo
0 Comments