Manipal Hospital Broadway-in parotid tumor nei Mizo hlawhtling takin an zai

#ZabilianZ Oct 25: India rama Cancer enkawlna hmun tha zing ami Manipal Hospital Broadway-in Mizo hmeichhia parotid tumor nei hlawhtling takin an zai niin an sawi.

Manipal Hospitals Network unit pakhat, Manipal Hospital Broadway hian nimin khan Aizawl-ah thuthar thehdarhtute kawmin, kum 55 mi, Lallawmzuali chu tunhnaiah hlawhtling taka an zai thu an sawi a. Lawmzuali hian parotid tumor a neih chu hlawhtling takin paihsakin, dam takin an chhuah niin an sawi.#zabilianznews

Manipal damdawi in-a thawk Dr. Kinshuk Chatterjee leh Dr Harsh Dhar chuan Lallawmzuali chu hun rei tak chhung he natna tuar tawh a nih avangin zai tura ruahman kawngah kawngah pawh doctor an inrawn nasa hle niin an sawi a. Inzaina atana pawimawh doctor hrang hrang te an inrawn hnu ah hlawhtling takin an zai ta niin an sawi.

Lallawmzuali pawhin a natna avang hian a beng leh a nghawng bawrah harsatna lian tak a tawk nia sawiin, a vung nasa chuan a taksaah harsatna a thlen niin a sawi a. Hlawhtling taka enkawl a ni chu a lawm thu a sawi bawk.#zabilianznews

Manipal Hospital Broadway hian ramchhunga damlo natna khirh tak tak lo enkawl tawh thinin, heng zingah hian Mizo tam tak an enkawl dam tawh a. Cancer natna enkawl kawngah an hmingthan em avangin pantu pawh an thahnem hle.

Kumtin damlo maktaduai 7 chuang an enkawl nia sawiin, khawpui 19-ah an inzarpharh a, khum 10,500 chuang awmna damdawiin 38 neiin, doctor 7,200 chuang leh thawktu 20,500 chuang an awm mek a ni.#zabilianz #zabilianznews #zofatehuapzo