Larsap-in Ministry of Tribal Affairs hnuaia hnathawh a enfiah, remchang hmasaberah enfiah leh a tum

#ZabilianZ Mizoram Larsap General VK Singh-a'n Ministry of Tribal Affairs hnuaia sak Tribal Reserch Institute (TRI) leh Ropuiliani Tribal Freedom Fighters Museum (RTFFM), Kelsih ami chu nimin khan tlawhin, hnathawh mek leh hmalak dan te a enfiah.

Larsap chuan hnam ziarang, nunphung leh tihdante ngaihhluta vawnhim a pawimawh thu sawiin, Tribal Reserch Institute leh Ropuiliani Tribal Freedom Fighters Museum-te chu tangkai taka hman tura siam a tul thu a sawi a. Khualzin, zirlai leh zirbingmite tana tlawh manhla ni tura thil tha duang turin line department-te a chah bawk.

Tribal hnam ziarang leh Mizo chanchinte awmze nei taka pholan a nih theih nan hun bituk siama hawnfel hma ngeia a nih dan tur dik tak a nih thei nana theihtawp chhuah tur pawhin Larsap chuan a chah a. A ngaihmawh leh tul nia a hriatte sawiin, hun remchang hmasaberah hmalak dan te enfiah leh a tum thu a sawi bawk a ni.