Tunlai internet leh social media khawvela seilian thalaite an vanneih rualin, harsatna tam tak erawh an tawk thei :Lalnghinglova Hmar

#ZabilianZ May 13, 2026: Sports & Youth Services Minister Lalnghinglova Hmar-in tunlai internet leh social media khawvela seilian thalaite an vanneih em em rualin, harsatna tam tak erawh an tawh theih thu a sawi.

Ephraim Higher Secondary School-in an zirlai HSLC leh HSSLC 2026 exam-a hlawhtlingte lawmpuina hun Vanapa Hall, Aizawla an buatsaih a hmanpuinaah he thu hi vawiin khan Lalnghinglova Hmar chuan a sawi a. Technology leh social media hmang thiama, an hriselna ngaipawimawha, mahni inthunun theihna nei tlat turin zirlaite chu a chah a ni.

Khawi hmunah pawh kal se, an thinlungah pi pu chena Mizo rohlu - Zo nun ze mawi, aia upa zahna leh midangte nena inzahtawnna vawng nung reng turin zirlaite chu a chah a. Pawl 12 pass thar zirlai te chu college nun an hmachhawn turah an zirna ngaipawimawh tur te, an chhungkaw dinhmun leh phak tawk hre reng chunga khawsak thiam tur te in Lalnghinglova Hmar chuan a chah bawk.

Ephraim Higher Secondary School zirlai HSLC exam 163 te chu an pass vek a, English subject topper Joanna Lalzuimawii an nei bawk. HSSLC Arts stream-ah zirlai 99 exam te an pass vek bawk a ni.#zabilianz #zabilianznews #zofatehuapzo