#ZabilianZ Aug 21, 2026: MPCC President Lal Thanzara'n kum 2028-ah an sorkar a nih chuan NLUP hmang bawka kuthnathawkte leh thalai hna neilo te malsawmna thlentu nih leh an tum thu a sawi.
Congress party political session vawiina neihah he thu hi sawiin, MPCC President chuan sawiin, NLUP chu Nazareth manifesto hmangin engemawchen an lo tihlawhtling tawh niin a sawi a. Party dang chungchang pawh sawiin, "kan elpui party te hi BJP hlau em em, inthlan laia BJP sum tam tak lo hmang tawhtute an ni" a ti a. "BJP tihlawm loh hlau reng rengin an kal mek" tiin, "BJP hlau reng renga awm te hian kan ram tan malsawmna an thlen ka ring lo" a ti bawk.
BJP chu India atanga kristian te nuaibo tumtu, India danpuia secular nuai bova, chanchintha hriltu tiduhdahtute niin a sawi a. Ni 100 inhlawhna pawngsualah puhin, "vai pathian hming lam ziahin inhlawhna min siam a. Tunhnaiah vai pathian fakna 'vande mataram' min sak luihtir an tum bawk a ni" a ti.#zabilianznews
Vande Mataram chu India ram hruaitu hmasa ten chang khatna leh chang hnihna chauh an pawm thu MPCC President chuan a sawi a. A chang dang chu Hindu pathian nu fakna lam a awm avangin Congress hotu hmasa, kristian ni ve lo zawk te pawhin an lo hnawl tawh a nih thu a sawi.
ZPM chhungah inteitetna a thleng mek nia a lan thu pawh MPCC President chuan sawiin, "CMO-ah Adviser te aiin pension rawih nawn leh pakhat chu a thu zawk avangin an pheikhai a rual thei lo niin an sawi" a ti bawk.#zabilianz #zabilianznews #zofatehuapzo
0 Comments