NEDP suma sak building thar Chief Minister-in a hawng

#ZabilianZ Aug 21, 2026: NEDP sum Rs. 5,09,08,023 a sak Siaha-a Bawrhsap Pisapui building thar chu Chief Minister Pu Lalduhoma'n vawiin khan a hawng.

Chief Minister chuan district-a sorkar office pawimawh ber zing ami Bawrhsap Pisa building tha tak a hawng thei chu lawmawm a tih thu sawiin, Siaha district tan mai ni lo, Mizoram tan pawh hmasawnna chhinchhiahtlak a nih thu a sawi a. Hmun tha leh laili-a Bawrhsap Pisa a din theihna tura zangnadawmna beisei lova, mahni in leh lo sorkar hnena petute lawmthu a hrilh bawk.

Siaha district tihchangtlunna turin Mizoram sorkarin theihtawp a chhuah thu sawiin, Chief Minister chuan - Siaha-a hmalakna kal mek zingah Circuit House sak mek te, sorkar quarter hrang hrang sak mek engemawzat bakah Tipa-a SDO (C) Office leh quarters sak mek te pawh a tel thu a sawi a. Sorkar laipui scheme hrang hrang atanga Siaha district-a hnathawh mek thenkhatte a sawi bawk.#zabilianznews

Chief MInister chuan Siaha district-ah khualzinte hip thei hmun tha tak a awm thu sawiin, a hmunhmate tichangtlung tura ruahmanna thahnem tak siam a nih thu a sawi a. Kaladan Multi-Modal Transit Transport Project (KMMTTP) Road atanga Castle of Beino kawng siamna tur Rs. nuai 1326 leh Palak Dil kawng siamna tur Rs. nuai 2161 dah a nih tawh thu a sawi.

Siaha Bawrhsap Pisapui building thar hi NEDP sum atangin October ni 31, 2018-ah sak tan niin, December ni 1, 2025 ah zawh fel a ni.#zabilianz #zabilianznews #zofatehuapzo