Electric smart meter vanga haratna tawk ten smart meter endik vek an phut

#ZabilianZ Aug 26, 2026: Electric smart meter vanga harsatna tawk miengemawzatin vawiin khan Aizawlah lungawilohna an lantir a. Smart meter vuah tawh leh la vuah loh te endik tur leh endik a nih hma chuan smart meter vuah hna chawlhsan an phut.

Lungawilohna lantira punkhawm kaihruaitu Zairemthanga chuan smart meter chu Aizawl-ah pawh an la vuah kim hmain sawiselna a tam hle niin a sawi a. Thingtlang lama vuah a nih hmaa ennawn ngei an duh thu a sawi.

Smart meter-ah meter hluia bill aiin a let 4, let 5 te in bill a sang a, a let 10-a sang te pawh a awm niin a sawi a. State thenkhatah smart meter chu mandatory a an kalpui ve loh thu pawh sawiin, "Mizoram sorkar pawhin a duh chuan hetiang hian a kalpui ve theihlohna tur a awm lo" a ti bawk.#zabilianznews

Lungawilohna lantira pungkhawm te thil phut hrang hrang te:

1. Smart meter vuah a nih hnua electric bill sang nasa lutuk hi sorkar in enfiah rawh se.

2. Bill pun dan diklo emaw felhlel deuh emaw hmuhchhuah a awm a, chutiang ang bill pung diklo sorkarin a dawng a nih chuan mipui hnenah pekir leh rawh se.

3. Complain a awmin rang takin P&E Department-in enfiah thin sela, Department leh Company inhnawn kual suh se.

4. Smart meter vuah tawh sa leh la vuah loh te pawh department-in uluk takin endik vek sela, endik a nih hma chuan vuah chhunzawm ni tawh suh se.

5. Billing period tih danglam dawnah emaw, sawrkarin thil thar mipui sum bawm khawih che thei chi a chhawpchhuah dawn reng rengin mipui hnenah chiang taka hriattirin zirtirna pe hmasa tawh rawh se.

6. Electric smart meter zirchiangtu tur committee, Superintending Engineer chinin a kaihhruai ngei a rang thei ang berin din ni rawh se.#zabilianz #zabilianznews #zofatehuapzo