#ZabilianZ Aug 25, 2026: Ni hnih awh tur Mizoram State Legislative Assembly 9-na thutkhawm vawi 7-na chu vawiin chawhma dar 10:30 ah an tan dawn a. Kumin July ni 4-a chatuan ram pan ta Mizoram State Legislative Assembly Member hlui F. Malsawmna sunna hun hma a ni ang.
Legislative Assembly thutkhawm tanni ah hian zawhna leh chhanna hun bakah rorellai member TBC Lalvenchhunga'n State Institute of Hotel Management building sak zawh tawh, rei tak function lova awm chungchangah motion a pulut dawn a. Vawiina thutkhawmah hian bill pathum - 'The Mizoram Regulation of Fireworks Bill, 2026' The Mizoram Water Information & Governance Bill, 2026' leh 'The Mizoram Industrial Area (Management, Regulation & Control) (Amendment) Bill, 2026' te pharh tura ruahman a ni.
Naktuk August ni 26, 2026 (Nilaini) chu an chawl anga, August ni 27, 2026 (Ningani) chawhma dar 10:30 ah Assembly thutkhawm hi an chhunzawm leh ang.#zabilianz #zabilianznews #zofatehuapzo
0 Comments