#ZabilianZ Aug 19, 2026: PWD Minister Vanlalhlana'n Ngaizel kham phei min tlawhin, helai hmun hlauhawm hian harsatna a thlen nasat thu leh harsatna sukiang tura sorkar-in theihtawp a chhuah thu a sawi.
He kham min á¹hin hian kum 20 zet chu harsatna a thlen tawh thu sawiin, PWD Minister chuan in leh lo chânna leh mihring thihna hial a lo thlen tawh thu a sawi a. DM&R-n nghet zâwka he hmun hlauhawm siam tura an buaipui thu leh DPR an buaipui mêk thu te sawiin, "Ngaizel kham phei hi cement-a phuhna shotcrete khawl hmanga nghet leh daihrei zawk tura siam tum a ni a, a khawl hi Rs. vbc 2.4 man te a ni. Tun ami hi chu rei vak lo chhûng atan (temporary)-a siam a ni" a ti.#zabilianznews
Geology & Mining Dept. Geologist te chuan kham ko bal mai thei tur awm te chu an hriat chinah an tih tlak tawh thu te, a hlauhawm zualpui chu a tla tawha an ngaih thu te an sawi a. An khuhna chu za-a 75 uv ray daltu Agronet a nih thu te, ruah leh nî laka humhim a pawimawh thu te leh lung lian lêm lo tla thlenga a hlauhawm avanga a ven tel thu te an sawi.
Geologist te sawi danin Ngaizel kham pang Agronet rawng hring hmanga khuhna san lam chu meter 110 vel a ni a. A vang zawng meter 65 atanga 80 niin, hei hian hun engemawchen chu a vawnhim an beisei a ni.#zabilianz #zabilianznews #zofatehuapzo
0 Comments