#ZabilianZ Sept 29, 2026: Central Young Lai Association (CYLA)-in YMA, Zokhawthar Branch-in thlanlunga Mizo tawng ni lova thu inziak awm te chawlhkar khat chhunga siamtha tura thuchhuah an siam chu sut leh turin an ngen.
CYLA chuan Zokhawthar thlanmuala thlanlunga Mizo tawng ni lo anga sawi chu ‘Lai tawng’ a nih avangin an ngai thu tak hle tih an sawi a. "Zofa hnam peng hrang hrang te tun aia nasa zawka inpumkhat tura NGO leh pawl hrang hrangin hma kan lak mek laia impumkhatna tichhe thei zawnga hmalakna leh thuchhuah a awm hi pawi kan ti takzet a, hetiang hmalakna leh thuchhuah hi sut leh turin kan ngenin kan beisei tlat a ni" an ti.
Mizorama chu Zofa hnam hrang hrang, tawng hrang nei - Lusei, Lai, Mara, Hmar, Paite leh hnamdang chenhona a nih thu sawiin CYLA chuan "tawng thenkhat chu hriatzui tur awm tawh lovin a ral mek" an ti a. Lungrual tak leh inngeih taka khawsakho chu CYLA duhdan a nih thu leh CYMA leh MTP, Gen. Hqrs te duhdan pawh a nih thu an sawi.
CYLA chuan, ‘Mizo’ tih leh ‘zohnahthlak’ tihah eng hnam leh eng tawng te hi nge telh leh khung a nih tih hi kan zawhna a ni?" an ti a. "India rama cheng, India khua leh tui te hian kan hnam tawnga tawng leh ziak theihna dikna chanvo kan nei theuh a, chuvang chuan innekchep zawnga hmalakna chu tha kan ti lo a ni" an ti bawk.#zabilianz #zabilianznews #zofatehuapzo
0 Comments