#ZabilianZ Sept 29, 2026: October ni 1 atanga Sairang, Aizawl leh Lamka, Manipur inkara nitin bus service tur, mi 21 chuan theihna pahnih -VK Tawna Travels- chu vawiin khan Transport Minister Vanlalhlana’n Chaltlang, Aizawl-a Transport Office tual atangin a vailiam.
Transport Minister chuan hnam ropuia insiam tur chuan tlang hrang hranga cheng Zofa te inlungrual a pawimawh thu sawiin, Mizoram chu Zofate inpui a nih thu a sawi a. Manipur-a chi leh chi inkara buaina thleng avanga zin veivah kawnga Zofa ten harsatna an tawk thin chu pawi a tih thu sawiin, bus service tur chuan harsatna tam tak a sutkian ngei a beisei thu a sawi bawk.
VK Tawna Travels CEO Siamnunlian Valte chuan Inter-State Bus Service hian Sairang leh Lamka inkar km 360 vela thui tlanna atan darkar 12 vel hun a hmang tura ngaih a nih thu a sawi a. Bus chuan man Rs. 2,500 a nih tur thu leh VK Tawna Bus Service mobile application hmanga bus ticket lak theih a nih tur thu a sawi bawk a ni.#zabilianz #zabilianznews #zofatehuapzo
0 Comments