#ZabilianZ Sept 22, 2026: Supreme Court-in Vande Mataram avanga dan siamthatin ram Danpui a kalh nia sawi chungchang ngaihtuahin, insawifihna turin sorkar laipui a hriattir.
Vande Mataram chungchanga Carnatic musician TM. Krishna thubuai thehluh chu nimin khan Supreme Court chuan a ngaihtuah a. Thubuai thehluttu chuan - Prevention of Insults to National Honour Act hnuaia 2026 amendment-a 'National Song chu official function tinah a chang kima sak zel tur' tih chu India Danpui kalh niin a sawi.
Vande Mataram chang hnuhnung pali-ah Hindu pathian nu, Durga, Lakshmi leh Saraswati te sawina a awm tih sawiin, heng chang te sa tura mipuite tihluih chu an chhia leh tha hriatna hmang tura an zalenna leh India danpuia sakhaw zalenna kalh a nih thu a sawi a. A aiawha ding ukil, Senior Advocate Dr. S. Muralidhar pawhin "amendment-ah national song chu chiang taka hrilhfiah a nih loh avangin dan hman sualna a thlen thei" a ti bawk.#zabilianznews
Jana Gana Mana - chu Constituent Assembly-in January ni 24, 1950-a National Anthem atana a pawm, Article 51A (a)-ah pawh chiang taka tarlan a nih thu leh hei hian mipuite chu National Flag leh National Anthem zah tura a phût thu thubuai thehluttu chuan a sawi a. Vande Mataram erawh chu Constituent Assembly-in National Song atana a pawm bik a nih loh thu leh Article 51A (a)-ah pawh tarlan a nih loh thu sawiin, kum 50 chuang zet 1971 Act hnuaia humhalh bikna pawh nei lo a nih thu a sawi.
Solicitor General chuan TM Krishna thu thlen chu hnialin, amendment-ah diklohna a awm lo niin a sawi a. Justice Joymalya Bagchi chuan sakhuana avanga Vande Mataram sa duhlotu tumah dan hmanga hremna tuar lo tura Court-in a beisei thu sawi. He thubuai hi Court-in a la ngaihtuah chhunzawm zel tur a ni.#zabilianz #zabilianznews #zofatehuapzo
0 Comments