#ZabilianZ Sept 23, 2026:
Muaythai Association of Mizoram (MAM) buatsaih North East Regional Muaythai Championship 2026 chu nimin khan R. Dengthuama Hall, Salem veng Mualpui, Aizawl-ah Sports Minister Lalnghinglova Hmar-in a hawng.
He inelna hian September ni 24, 2026 thleng a awh dawn a. North East state hrang hrang atangin Muaythai fighter mipa leh hmeichhia thahnem tak an tel a ni.
Sports Minister chuan Muaythai chu tunlai sports discipline thang chak ber te zing ami a nih thu a sawi a. Nakuma National games thlengtu tur Meghalaya Chief Minister chu Muaythai Association of India President a nih thu sawiin, National games-ah Muaythai telh tura hmalak a nih thu a sawi.
Kum 1998 - Olympic, Thailand-a neihah Mizoramin Muaiythai demonstration an lo nei tawh tih sawiin, nikuma Asian Youth games-ah Muaythai telh a nih tak thu te sawiin, heng te hi Muaythai-in ngaihhlut a hlawh telh telh tawh tih lantirtu a nih thu leh International Olympic Association pawhin eng tik ni ah emaw chuan Muaythai chu Olympic-a an la telh ve ang tih chu an thlir mek thu a sawi bawk.#zabilianznews
Kum 2010 khan 11th National Muaythai Championship chu Mizoram-in a lo thleng tawh a, hemi tum hian Mizoram chu team champion an ni. World Championship-ah gold medal 2, silver 4, bronze 6 leh Asian Championship-ah gold 2, silver 2, bronze 2 la tawhin, International Referee & Judge 3 an nei mek bawk a ni.#zabilianz #zabilianznews #zofatehuapzo
0 Comments