Forest Department-a post awm zaa 29 chauh luahkhah a ni a, post ruak zaa 71 vel a awm :Forest Minister

#ZabilianZ Oct 12, 2026: ZPM Adviser, Forest Minister ni bawk Lalthansanga'n Enviroment, Forest and Climate Change Department-a post awm zaa 29 chauh luahkhah a nih thu leh post ruak zaa 71 vel a awm thu a sawi.

ZPM party chhung inkhawm vawiina neihah he thu hi Forest Minister chuan a sawi a. Forest Ranger 10, UDC 6, Forester 20, Forest Guard 25 leh UDC (PE) 15 lak an ni thuai dawn nia sawiin, "rei lo teah advertisement a chhuak ang" a ti a. Forester leh Forest Guard lakna chu kumdanga kalpui anga kalpui a nih loh tur thu leh physical leh written test-in mark 200 ve ve a put tur thu a sawi bawk.

Fisheries Minister ni bawk Lalthansanga chuan Fisheries department lamah pawh tan an la nasa nia sawiin, "kan sorkar tirh atanga vawiin thlengin thawktu 21 kan la thar tawh" a ti a. Demonstrator lak tura dilna lut te endik a nih thu leh recruitment rules-in a phut anga fishery kaihhnawih subject-a thiamna nei, an dilna pawm theih 8 chauh a awm an awm thu sawiin, subject thlan kawngah nu leh pa ten an fate an puih a ngai hlea a hriat thu a sawi.

Chief Minister Fisheries Mission kalpui a nih tur thu sawiin, phai lama damdawi nena sawngbawl ni lo Mizoram thar ngei Sangha thianghlima intodelh tura hma an lak mek thu a sawi a. Hemi kawngah hian Central YMA nen thawkho tura thu an thlun thu sawiin, October ni 10 atanga November ni 30 thleng awh tur -zero tolerance- hman mek a nih thu leh luidunga Sangha te man khap tlat a nih thu a sawi bawk.#zabilianz #zabilianznews #zofatehuapzo