Kumin September thleng khan hmarchhak state hrang hrangah bank branch 6674 leh ATM 5823 a awm :DoNER Secretary

#ZabilianZ Oct 13, 2026: DoNER Secretary Katikithala Srinivas-a'n kumin September thleng khan hmarchhak state hrang hrangah bank branch 6674, ATM 5823 leh IPPB tiamin business correspondent outlet 63461 a awm tawh tih a sawi.

Aizawl-in North East Bankers’ Conclave vawi 3-na vawiina a thlen tur chungchangah nimin khan Development of North Eastern Region (DoNER) Ministry-a Secretary chuan thuthar thehdarhtute kawmin he thu hi a sawi a. Sumdawng, entreprenuer, mahni kea dinga eizawn tum te leh mipui mimir banphaka bank emaw, a tlukpui a awm theihna tura hmalak a nih thu a sawi bawk.#zabilianznews

Ministry of Home Affairs-in kum 2022 khan hmarchhak state chhunga thingtlang khaw 9479-ah te bank leh a tlukpui financial outlet din tumin hma a la tan a. September 2026 thleng khan heng zinga khaw 6905 tuamchhuak hmanin, tuam hmabak khaw 2574 zinga khaw 59-ah bank branch 31 din a ni dawn a; a bak khaw 2515 ah IPPB dah tum a ni.

Bank din chungchangah hmarchhak state te tan dan thlahdul niin, India ram hmun danga 'bank dinna tur khua chu mi 3000 tal chenna' tih a nih laiin hmarchhak state te chu mi 2000 chenna khuaah din phalsak an ni.#zabilianznews

Mizoramah mihring chen tlemna khaw 6 tih loh ah chuan bank emaw a tlukpui din vek a ni tawh niin an sawi a. Heng khaw 6 ah te pawh hian IPPB emaw bank correspondent dah tum an nih thu Mizoram khaw 43-ah IPPB dah tum a nih thu an sawi bawk.

DoNER leh Department of Financial Services-in hmarchhak state sorkarte nen thawkhovin North East Bankers Conclave an buatsaih thin a. Tuntum hi North East Bankers Conclave vawi 3-na tur niin, a hmasa ber chu Shillong-ah nghah niin, a vawihnihna chu December 2024 khan Agartala-ah nghah a ni.#zabilianz #zabilianznews #zofatehuapzo