#ZabilianZ Oct 21, 2026: Mizoram State Information Commission hnuaia State Chief Information Commissioner atan H. Lalengmawia, IAS (Rtd.) chu vawiin khan Larsap General VK Singh-a'n a lalut.
Lok Bhavan Durbar Hall, Aizawla State Chief Information Commissioner lakluh inkhawm-ah Chief Secretary Khilli Ram Meena-a'n Larsap-in State Chief Information Commissioner atana H. Lalengmawia a ruatna a chhiar chhuah hnuah Larsap chuan H. Lalengmawia chu rinawmna thu tiamtirin State Chief Information Commissioner atan a lalut a ni.
State Chief Information Commissioner thar H. Lalengmawia hi Mamit dist-a Kawrtethawveng khaw chhuak niin, thiamna lamah M.A. (Public Administration) Gold Medalist, NEHU niin, NEHU-ah kum 3 chhung Lecturer hna a thawh hnu ah kum 1991 ah Mizoram Civil Service zawmin, batch topper a ni a. March ni 19, 2014 ah Indian Administrative Service (IAS) ah hlankai niin, AGMUT Cadre 2005 pek a ni.#zabilianznews
Mizoram sawkarah Joint Chief Electoral Officer, State Protocol Officer, Director, School Education, Champhai leh Kolasib District Bawrhsap, Commisioner & Secretary Home, Environment, Forests & Climate Change, Health & Family Welfare, Power & Electricity, Higher & Technical Education-te chelh tawhin, kum 2024 khan thla khat chhung Chief Secretary hna a chelh bawk.
A nupui fanaute nena Zemabawk Aizawla cheng niin, a hnathawh that avangin kum 2025 ah Chief Minister's Award for Excellency in Public Administration a dawng bawk a. November ni 30, 2025 ah superannuation pension-in sorkar hna atangin a chawl a ni.#zabilianz #zabilianznews #zofatehuapzo
.jpg)
0 Comments