#ZabilianZ Oct 24, 2026: Land Resources Spoil & Water Conservation (LRS&WC) Minister Lalthansanga'n Mizorama kuhva huan zau zawng hectare sing 6, sang 7 leh 380 vel a nih thu sawiin, kum 2025-2026 a kuhva thar zat quintal nuai 5.12 vel niin sawi.
Kuhva chin leh enkawl chungchanga training leh seminar nimina Lungleia neihah he thu hi LRS&WC Minister chuan a sawi a. Mizorama kuhva huan zau zawng leh kum kaltaa kuhva thar zat chuan kuhva chu ram economy leh chhungkaw tam tak nunphungah a pawimawhzia a tilang chiang hle niin a sawi.
LRS&WC Minister chuan chuan "thar tam ringawt hi kan tum ber a ni lova, a quality, a man, a hralhna leh a chingtute sum lakluh tihpun kan ngaipawimawh tur a ni," a ti a. "Central sawrkar hnuaia Indian Council of Agricultural Research (ICAR) - Central Plantation Crops Research Institute leh thiamna nei dangte nen thawkhova kuhva hri leh rannung avanga harsatna zirchian leh a ven dan dik zawk zawng tura hmalak mek a nih thu a sawi.
Aizawl, Mamit leh Kolasib lamah chauh ni lo, Lunglei leh district dangah pawh kuhva chingtute harsatna leh an mamawhte hriat chian a tul thu Minister chuan a sawi a. Zamuang leh Chemphaia kuhva tihro leh sawngbawlna hmun siam hna atana NEC hnuaia sum ruahman tawh leh certificate of origin chungchang te chu kuhva chingtute tan hmalakna pawimawh a nih thu a sawi bawk.#zabilianz #zabilianznews #zofatehuapzo
.jpg)
0 Comments