#ZabilianZ Oct 24, 2026: MPCC President Lal Thanzara'n BJP an duh loh chhan chu Kristianna atanga an teh vang nia sawiin, "Mizo, ringtu te hi chuan BJP leh an thawhpuite hi kan hnawl a ngai a ni" a ti.
Congress Bhavan, Aizawla political session nimina neihah he thu hi MPCC President chuan sawiin, "West Bengal-ah hmanni lawka BJP in sorkarna an lak aṭangin Kristiante an chep thar hle a, Pathian Biak In-a Kross tar te an lakthlaktir a ni." a ti a. "Tawngṭaina nen BJP leh an talhfiak RSS lian zel tur dodal tur hian Congress-in theihtawpa tan kan lak a ngai a, kohhran te pawhin tawngtaina nena tan kan lak a ngai hle a ni" a ti bawk.
Tunhnaiah India politics a inlumlet nasa hle tih sawiin, MPCC President chuan BJP leh an thurualpui RSS hmalakna vang niin a sawi a. "A bulpui ber pakhat chu Chief Eelection Commissioner Gyanesh Kumar hmang tangkaia democracy pawngsuala vote tichingpena electoral roll atanga mi vaibelchhe tel paih an nih vang a ni" a ti.
MPCC President chuan "BJP a sorkar zel a nih chuan min enkawl tum dan hi keini hnam tlem, Mizo Kristian te tan chuan thil rapthlak tak a ni" a ti a. BJP lian zel tur chu tihtakzeta do a tul niin a sawi.
Central-a Congress a sorkar laia NLUP bul an ṭan thu MPCC President chuan sawiin, "kum 2014 aṭangin BJP an sorkar a, min hektu an awm chungin, NLUP sum pawh min pek chhunzawm zel a, central-ah eng party nge sorkar tihah Mizoram Congress te hi kan innghat lo a ni" a ti a. NLUP hmang bawka Mizo mipuite retheihna atanga khaichhuah an tum leh tur thu a sawi bawk.
.jpg)
0 Comments