#ZabilianZ Oct 14, 2026: Kumin September ni 23 zan atanga a chin hriatlohva bo, K. Lalawmpuii, Chaltlang, Aizawl chuan nimin khan a chhung te phone hmanga biain, Tripura-ah a awm niin a insawi a, a hruai turin a chhung te an kal nghal.
Chaltlang branch YMA hruaitu ten an sawi danin, K. Lalawmpuii hian nimin chawhma dar 10:30 vel khan phone hmanga a nu rawn biain, Tripura lamah a awm niin a insawi a. Ambassa, Dhalai district, Tripura-ah a awm tih hriat zui a ni.
K. Lalawmpuii awmna finfiah a nih hnu ah Mizoram Police-in Tripura Police biain, Tripura Police-in a awmna atangin an hruai a, Ambassa-a Mizo ten Salema Police Station atangin nimin chawhnu dar 1:30 vel khan an va hruai ve leh a, Mizo missionary te kutah awm tawhin, amah hruai haw turin a chhung ten Tripura hi an pan zui nghal. K. Lalawmpuii hi vohbik nia thudawn a ni.
Chaltlang YMA chuan September ni 24-ah Sairang Rel Station atangin phai lam pan relah a chuang tih September ni 27 khan hriatchhuah a ni a. Hei hi finfiah a nih veleh tualchhunga zawn hna chu titawpin, state pawn lamah zawn chhunzawm a ni.#zabilianz #zabilianznews #zofatehuapzo
.jpg)
0 Comments