Tourism Ministwer-in ni thum awh tur Travel Fest a hawng

#ZabilianZ Oct 13, 2026: Ni thum awh tur Mizoram Travel Fest chu vawiin khan Tourism Minister Lalnghinglova Hmar-in Aijal Club-ah a hawng.

Tourism Minister chuan Mizoramah tourism chu hmuh theihin a thang mek nia sawiin, hnam nunphung humhalh chunga khawtlang mipui inunauna hmanga khualzin hip (community-based tourism) kalpui a tul thu a sawi a. Tourism lama mithiam te, tour operators leh mipui te tanrual a pawimawh thu a sawi.

Tanpuingai tanpui, midang ngaihsak leh khualzin chunga that chhuah te chu Mizo hnam nunphunga bet tlat a nih thu Tourism Minister chuan sawiin, "heng te hmang hian tourism lamah hma kan sawn thei a ni", a ti.#zabilianznews

Khualzin hipna tura kut (festival) buatsaih thin te chuan kut buatsaihna khaw mipuite tan eizawnna a siam thin thu sawiin, Phuaibuanga Tlaizawng par behchhana kut buatsaih chu entirna pakhat a nih thu a sawi a. Thingtlangah chuan Mizo chaw dik tak leh nunphung dik tak hmuh tur a awm thin avangin Aizawl pawnah tourism kalpui chhoh mek zel a nih thu Tourism Minister chuan a sawi.

Sorkar enkawl tourist lodge te chu tihhmasawn zel an tum thu Tourism Minister chuan sawiin, mimal enkawl homestay te pawh khualzin tan a pawimawh thu a sawi a. Homestay ten thalaite leh hmeichhiate tan eizawnna kawng a hawnsak thu sawiin, khualzin dawnsawn leh faina kawngah pawh homestay enkawltute chu tan la zel turin a chah bawk.#zabilianz #zabilianznews #zofatehuapzo