Mizoram pumah 'Zo hnahthlak unaute thlavang hauhna kawngzawh huaihawt dawn
#ZabilianZ July 20: NGO Co-Ordination Committee vawiina thukhawmin, Manipur-a Zofate tawrhna hriatpuina leh tawrhpuina lantirna atan Mizoram pumah -Zo hnahthlak unaute thlavang hauhna kawngzawh- huaihawt an rawt a. Kawngzawh hun atan July ni 25, 2023 (Thawhlehni) chawhma dar 11 an ruat nghal.
Kawngzawh ni hian Mizorama In tin-ah Puan dum zar theuh turin NGO Co-ordination Committee chuan chhungtin te an ngen a. Sorkar hnathawk, zirlai, sumdawngte leh lirtheia eizawng te pawh an hna tulte kalsana kawngzawhnaah tel theuh turin an ngen a ni.
NGO Co-Ordination Committee chuan Mizorama Meitei awm mek te pawh an sahimna atan fimkhur turin a ngen bawk.
Comments
Post a Comment