MLA leh AMC Corporatorin GANC sak mekah duhthusamlo lai hmu tam

 #ZabilianZ July 05: Govt. Aizawl North College (GANC) building extension Ramhlun North-a sak mek chu vawiin khan Aizawl North II bialtu MLA Dr Vanlalthlana leh AMC Ward III bialtu Corporator Lalchhandami ten tlawhin, thil fel tawklo a awm nia an hriat thu leh an lungawi loh thu an sawi.

MLA leh AMC Corporator te chuan Skyridge Construction & Consultancy Services-in an sak mek GANC chu RUSA sum Rs. nuai 150 senga sak tura ruahman a nih thu leh October 2019-a sak tan, November 2022-a zawh tur a nih laiin tun thlenga an la zo lo chu lungawithlaklo hlea an ngaih thu leh a sak danah pawh duhthusam tawk lo tam tak an hmuh thu an sawi.

Skyridge Construction & Consultancy Services hian RUSA hnuaiah Rs. 21,37,00,000 work order hmuin, Mizoram college hrang hrang sak hna an thawk mek niin, MLA leh AMC Corporator te chuan an sawi a. GANC sak hna ah ngawt pawh duhthusamlo lai tam tak a awm chu ngaihmawhawm an tih thu an sawi a. Hna a muan avanga zirlaite class kal a khaihlak phah pawh pawi an tih thu an sawi bawk. 

Hna la thawh zawh loh te chu a rang thei ang bera zo turin an phut a, zirlaite hmalam hun thui tak an kutah a awm tih hriaa, zirna in tha leh zahawm tak siam turin hnathawktute chu an chah bawk a ni.