Mayor hovin veng pahnih aiawh ten ramri buai chungchang sawiho - Dy. Mayor kaihhruaia hmalatu tur committee an din

#ZabilianZ June 17, 2026: Aizawl Mayor Pu H. Lalremtluanga hova Chhinga veng leh Dawrpui veng ramri buai chungchanga thukhawmin, heng veng pahnih te ramri buai chingfel tura hma la tur -Committee on the Land Dispute between Chhinga Veng and Dawrpui- din an remti a. Veng pahnih hruaitute chuan "he committee hmalakna piahlamah hmalakna dang awm tawh lo se" tih chu an pawm bawk.

Chhinga veng leh Dawrpui veng ramri buai chingfel tura hmala tur committee-ah hian Chairman atan Aizawl Dy. Mayor R. Lalawmpuii an ruat a, Vice Chairman atan AMC Ward 9 bialtu Corporator B. Lalawmpuii ruatin, Deputy Municipal Commissioner K. Vanlalruata chu Secretary a ni ang.

Member atan :
1. Christina Roluahpuii Sailo, Executive Corporator, AMC
2. Vanlalhruaia, Executive Corporator, AMC
3. Vanlalfaka, Executive Corporator, AMC
4. K Lalrodinga, Executive Corporator, AMC
5. Chhinga veng leh Dawrpui veng Local Council Chairman leh member dang pakhat ve ve
6. Chinga veng leh Dawrpui YMA President leh Secretary
7. Chinga veng leh Dawrpui MUP President leh Secretary
8. Chinga veng leh Dawrpui MHIP President leh Secretary
9. R. Rosiama, Chhinga Veng (Prominent Citizen)
10. Vanlalbika, Dawrpui (Prominent Citizen) te ruat an ni.

Chhinga veng leh Dawrpui veng khawtlang hruaitute chuan, “Vawiina veng aiawh kalkhawmte hian Committee on the Land Dispute between Chhinga Veng and Dawrpui in hma a lakna piahlamah hmalak rem kan ti lova, hmalakna dang reng reng engmah a thlen loh nan hma kan la ang,” tiin resolution an siam bawk.

Aizawl Mayor H. Lalremtluanga chuan ramria buaina awm chu pawi a tih takzet thu leh chinfel theih a nih a beisei thu a sawi a. Buaina chinfel thuai a nih theihna tura rilru zau tak pu turin veng pahnih aiawhte chu a ngen bawk a ni.#zabilianz #zabilianznews #zofatehuapzo