#ZabilianZ June 18, 2026: Mizoram aiawha Rajya Sabha member atan ZPM party candidate K. Laltluangkima thlan tlin a ni.
Rajya Sabha-a Mizoramin seat khat a neih luahtu tur hi vawiin khan Mizoram Legislative Assembly member ten an thlang a. Chief Minister Lalduhoma'n vote thlak hmasaberin zing dar 9:40 ah vote a thlak a, tlai dar 4 thleng vote thlak theihna hun hawn ni mahse, vote thlak hnuhnungber Aizawl West I bialtu MLA TBC Lalvenchhunga'n chawhma dar 11 vel-ah vote a thlak.#zabilianznews
MLA 40 zinga 36-in vote thlakin, ZPM MLA 27 zinga 26 leh MNF MLA 10-in vote an thlak a. Rorellai member W. Chhuanawma'n damlohna avangin vote a thlak thei lova, BJP MLA pahnih - Dr. K. Beichhua leh K. Hrahmo te bakah Congress MLA C. Ngunlianchunga ten vote an thlak lo bawk.
ZPM party hruaitute chuan damlohna avanga vote thlak ve thei ta lo Tuichang bialtu MLA W. Chhuanawma chu home voting dilsak mahse, phalsak a ni ta lo tih an sawi a. BJP leh Congress party chuan an MLA ten vote thlak lova an hai tur thu an lo puang lawk tawh a ni.#zabilianznews Rajya Sabha inthlanah hian mahni awmna party candidate ni lo vote (cross voting) leh vote thi a awm lova. ZPM Candidate K. Laltluangkima'n vote 26 hmuin, MNF Candidate Zothansangi Hmar-in vote 10 a hmu bawk.
Rajya Sabha term kallai chu July ni 19, 2026-ah a tawp dawn a , vawiina thlan tlin tak K. Laltluangkima hian Mizoram atanga Rajya Sabha MP nilai K. Vanlalvena a thlak dawn a ni.
#zabilianz #zabilianznews #zofatehuapzo
0 Comments