ECI-in political party leh candidate te plastic leh tawih theih lo thil hmanga campaign lo turin a ngen :Nazuk Kumar


#ZabilianZ Oct. 10: Aizawl District Election Officer, Aizawl Bawrhsap ni bawk Nazuk Kumar-i'n vawiin khan thuthar thehdarhtute kawmin, MLA inthlan lo awm turah Election Commission of India (ECI)-in political party leh candidate te plastic leh tawih theilo thil hmanga campaign lo tur leh environment tana him hmanrua chauh hmang tura a ngen thu a sawi.

Aizawl Bawrhsap chuan "hriselna leh environment venhimna atan political party zawng zawng ten plastic hmanga siam campaign-na hmanrua (poster, banner, etc) siam lo turin hma an la tur a ni" a ti a. Hei hi zawm theuh turin political party zawng zawng te a ngen.

DEO chuan Mizorama MLA inthlan lo awm turah EVM leh VVPATS te chu ECIL siam M3 model thar ber hman a nih tur thu leh first level checking (FLC) zawh a nih hnu ah EVM te chu strong room-a dahthat an nih tawh thu a sawi a. Mipuiin EVM/VVPAT hman dan an hmuha, an zir theih nan Aizawl Bawrhsap Pisa, BDO Aibawk leh BDO Darlawn office-ah te EVM demonstration centre siam a nih thu leh mobile demonstratioin van pawhin MLA bial tinah EVM hman dan zirtirna an kalpui thu a sawi bawk.

Tarlan tawh angin ECI chuan Mizorama MLA inthlan hun atan November ni 7, 2023 ruat a nih thu leh December ni 3, 2023-ah vote chhiar tur a nih thu tun thla ni 9 khan a puang a. Inthlan chuh tum te tan October ni 20, 2023 thleng hming pekluh theih a ni ang a, hming pekluh te chu October ni 21, 2023-ah endik tur niin, inhnukdawk leh duh te tan October ni 23, 2023 thleng hun hawn a ni a. December ni 5, 2023 ah chuan inthlan kaihhnawih zo fel vek hman tura ruahman a ni.

Electoral Roll ennawn hnuhnungber, tun thla ni 4-a tlangzarh taka a lan danin Mizoramah voter 856868 (mipa 412969; hmeichhia 438925 leh service voter 4973) an awm.  Aizawl district-ah voter tam berin voter 286807 an awm a, Hnahthial district-ah voter tlem berin, voter 16294 an awm.

Lawngtlai district-a Tuichawng MLA bial-ah voter tam berin voter 36042 an awm a, Lunglei district-a Thorang MLA bialah voter tlem berin voter 14909 an awm.

Mipa voter aia hmeichhe voter an tlem zawkna district Mamit district niin, mipa voter 32723 an awm laiin hmeichhe voter 32064 an awm a. Mamit district-a MLA bial pathum - Hachhek, Dampa leh Mamit bialah te bakah East Tuipui, Thorang, West Tuipui, Tuichawng, Lawngtlai West, Chalfilh leh Lengteng bialah te mipa voter aiin hmeichhe voter an tlem zawk bawk.

Mizoramah young voter an tih kum 18 leh 19 mi 50611 an awm a, kum 80 chin chunglam voter 8490 an awm. Electoral roll-a Persons with Disability (PwD) electors chhinchhiah zat - 3243 (mipa 1787 leh hmeichhia 1456) an awm.

Mizoramah polling stations 1276 (urban 525 leh rural-ah 751) a awm mek a. Kum 2018-a MLA inthlanah khan polling stations 1164 (urban 450 leh rural-ah 714) awmin, polling station punna hi 112 (urban 75 leh rural-ah 37) a ni.

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more