#ZabilianZ May 05: ZPM PAC member, Adviser to Chief Minister (Finance) ni bawk TBC Lalvenchhunga'n “Kalphung thar mipui sawrkarin ama puala budget a pharh ve hnuah khairual thei ang berin hmasawnna a kalpui" a ti a. Opposition bial hrekna thinlung pu lovin budget an hmang niin a sawi.
He thu hi vawiina ZPM party pisa, Aizawla ZPM party chhung inkhawmah TBC Lalvenchhunga chuan a sawi a. Sawrkarin hun reilote chhungin thil tha tam tak a tih tawh nia sawiin, "kan thil tha tih te mipui hriata puanzar kawngah mahni infak kan hreh hle niin a lang a, eptu party te sawichhiatna kan sepui ruah tawrh leh ngawt ngawt mai thin hi thil fuh ber niin ka hre lo" a ti bawk.
TBC Lalvenchhunga chuan "tar pension, rualbanlote leh hmeithai pension te pawhin malsawmna thar an dawng mek" a ti a. "Wildlife worker te, school chaw chum bakah health care hnuaia nurse te hlawh an tihpun leh hnathawktute hlawh duhsak taka an han pek thin te pawh hi sawrkar thar danglamana kan hmuh mek te an ni,” a ti.#zabilianznews
Kalphung thar mipui sawrkar chu khawsak harsa zawkte tana ding nia sawiin, "ration man tihsan chungchangah pawh khawsak harsa zawk te tan buhfai man cheng khat pawhin kan tisang lo" TBC Lalvenchhunga chuan a ti a. "Sawrkarin buhfai lei nan sum tam tak a sen thin chu a lo ziaawm theih nan 'khawsak awlsam zawk ten heti zat hian i khul ve tawh ang u', tiin retailer ten dik taka an buk theih nan an lawmman kan tihsan sak hial bawk a ni" tiin, tuialhthei man sawrkarin a tihsan pawh mipuiin an pawm thiam nia sawiin, a chhan chu a hmanna tur ruahmanna fel tak sawrkarin a siam vek niin a sawi.
An sawi tawh angin electric leh tui bill pawh an la tisang lo niin TBC Lalvenchhunga chuan a sawi a. Sawrkar hmasain kawng leh lei thawmthatna atan sum a lo dah pawh Rs. vbc 30 in sawrkar tharin a tipung nia sawiin, nikum chhung khan kawng hlui thawmthat nan leh kawng thar siam nan sawrkain Rs. vbc 400 a thehchhuak niin a sawi bawk.#zabilianznews
Mizoram Univershal Health Care Scheme (MUHCS) chungchang pawh sawiin, "sawrkar hamasa hunlai anga Rs. vbc 20 vel daha health care kalpui ve tawp leh a hnua leiba tlingkhawm ang kha pumpelh kan duh a ni" a ti a. Sawrkar hmasain private hospital ten pakage rate hmang ve tawh se, tiin a nawr nia sawiin, "an innawr thlu tep tihah a tlawmsan leh tak si avangin private hospital rate hmangin MR bill a kal a ngai thin a, re-imburse thei te rate chu a dang deuh bik ni te pawhin a lang thin" a ti.
TBC Lalvenchhunga chuan "sawrkarin standard pakage rate duan tha a tih avangin Mizoramah private hospital ten theitawp an chhuah a, investment an hmang tih sawrkarin a hriatpuii avangin duhsak takin Delhi leh Mumbai-a hospital tha te nen rate inangin a siamsak vek" a ti a. Sawrkar chuan nuai 50 thleng dahkham a inhuam bawk nia sawiin, private hospital te chu an harsatnate sawrkar nen sawiho tura sawm ni mahse, tun thlengin a chhanna an dawng lo niin a sawi a, "mak kan ti hle" a ti bawk.#zabilianznews
Aizawl - Thenzawl - Lunglei kawng - ALT road chungchangah pawh sawrkarin Central Road Research Institute (CRRI) te ruaiin tha zawk leh tlo zawka siam dan tur a ngaihtuah mek niin TBC Lalvenchhunga chuan a sawi a. "Vawiin mai ni lo, nakin hun thleng sawrkar chuan a thlir" tiin, sawrkarin chhim lam mipuite a a ngaihthah lo niin a sawi a. "Sawrkar hmasa hunlai anga tumkhata sum hman zawh phak bak in sunction khum vak vak ang leh a hnua K-Deposit a dah ngai leh si ang khan sawrkar thar hi kal a tum lo a ni" a ti bawk.#zabilianz #zabilianznews #zofatehuapzo
0 Comments