MUP-in an Adviser khawlaia pawisa chhuhsaktu mana hrem ngei an phut

#ZabilianZ Oct 21: Mizoram Upa Pawl (MUP), Kolasib Chhim Area-in an Adviser Chhunthangvunga, Thingdawl chu misual pahnihin pawsa chhuhsakin an tlanbo nia sawiin, pawikhawihtute man chhuaha an phu tawk hremna pek ngei an phut.

MUP, Kolasib Chhim Area chuan thuchhuah siamin, vawiin khan an Adviser kum 87 mi, Chhunthangvunga, Thingdawl chu Salem veng, Kolasib-ah khawlaia a kal laiin mi pahnihin a kawr hma ipte-a a pawisa ah chhuhsakin an tlanbopui niin an sawi a. He thil thleng hi an dem thu leh tun hnu ah thleng tawh lo se an duh thu sawiin, thil tisualtute chu man chhuaka an phu tawk hremna pek ngei an phut a ni. 

Kolasib atanga thudawnnain a sawi danin, Chhunthangvunga hi thingpuife leh thil dang te zuarin Kolasib-ah a kal a. Salem venga Zahmingthanga te in bula a kal lai, vawiin chawhma dar 11 vel khan mipa pahnihin lo be dingin, a kawr hma ipte-a a pawisa ah chu an laksak a, an tlanchhe zui a ni.#zabilianz #zabilianznews #zofatehuapzo