#ZabilianZ Oct 16: Assam Rifles chhuahsan ram hman dan tur ngaihtuahtu advisory committee-in Aizawl Square, ring road ni nghal siam rawtna an pawm.
Ruahmanna thar ber ang chuan AR chhuahsan ram zaa 39.33 chu mipui mamawh hmunhma sakna tur niin, a dang zawng zaa 60.67 chu -green area- a ni ang.
Advisory committee chuan chhuahlama by-pass road siam, hmar lam Saron veng atanga Dak inpui bula chhuak kawng sial, mi 2000 lenna Convention Centre, lirthei dahna lian tham tak keng tel sak, kawngpui kam hmun hniha mini park siam, two wheeler parking siam, Heritage court siam, by-pass road kiang Venghlui lam hnaiha multi level car parking leh open air theatre sak rawtna te bakah khawpui laili chawmtu tur - Baja tlanga tui dahkhawlna sak leh chhuahlam by-pass road kianga 33 KV sub-station dah rawtna te an an remti bawk.#zabilianznews
Tuna kawngpui awmsa chu a theih anga zauh ni se, an ti a. Lungphun awmsate vawnhim pawh tha tiin, canteen kuala war memorial chu MINECO-a sawn an rel a. Thutkhawm hmasaa AR Hospital tlanga Aizawl Police station sawna, tuna Aizawl Police Station chu Civil Hospital, Aizawl zauhna atana hman chungchang chu a hmunhma a zauh tawk loh avangin out post dah chi zawk nia an ngaih thu committee chuan an sawi a ni.
Khatla-a Assam Rifles ram mawng lam, Mizoram secretariat zauh theihna lai tur leh Loch House, tuna Mizoram sorkar kuta awm ta te chu inthlengpui dil ni se, a hlawhtlin chuan Chief Minister's Office leh Residence sawn pheina atana hman ni se, an ti a. Babutlanga AR chhuahsan ram, Zarkawt khawtlangin enkawl an dil chu a neitu nihna nei lova Green park atana an enkawl theih dan tur inkaihhruaina GAD-in lo duang se, an ti bawk.#zabilianz #zabilianznews #zofatehuapzo
0 Comments