AAP Mizoramin Arvind Kejriwal chhuah zalen thuai an phut


#ZabilianZ July 30: Aam Aadmi Party (AAP), Mizoramin Delhi Chief Minister, AAP Convener ni bawk Arvind Kejriwal chu BJP sorkar hnuaiah diklo taka man nia sawiin, chhuah zalen thuai an phut.

AAP Mizoram chuan vawiin khan Aizawl Press Club-ah thuthar thehdarhtute kawmin, India ram hmun hrang hrangah diklo taka Arvind Kejriwal man a nih duhlohna chu INDIA Alliance hmalaknain lantir mek a nih thu an sawi a. "Mizoram AAP te pawhin a rang thei ang bera Arvind Kejriwal hi chhuah zalen turin BJP sorkar hi kan beiseia, kan phût tlat a ni" an ti.

Delhi Chief Minister, Arvind Kejriwal chu BJP sorkar hnuaia Agency hrang hrang ten diklo taka case siamsakin, March 21, 2024 atang khan Jail-ah dah a ni, an ti a. "Bail theihlohna tura harsatna hrang hrang vawiin thlenga an siamsak reng hi hriatthiam har kan ti takzet a, ni. Hetiang reng renga opposition party hruaitute, sorkar agency hmanga beih tawk hi India ramin zalenna a hmuh hnuah an la awm ngai lova, hei hian kan ram democracy hnuaia mipui zalenna leh dikna chanvo BJP sorkarin a ngaihpawimawh loh zia a tilang a ni". an ti.#zabilianz

Agency te chuan finfiahna engmah nei lo mahse, dan khirh tak PMLA Act an siam hmangin Arvind Kejriwal chu a hriselna pawhin tawrh phah hial khawpin Jail-ah an khung mek niin AAP Mizoram chuan an sawi a. Bail theih beiseiawma a awm pawhin agency dang ten a chhuah theihlohna tura case dang siamsaka an man nawn leh zel te hi hriatthiam har kan ti hle a ni, an ti.

Kum hnih chuang an chhui tawh hnu pawha engmah chiang faka sawi tur leh man tur an nei lo chung pawha, “niin a lang” tih thu behchhana hren beh reng a ni hi India ram chhunga thleng atana kan duh loh ber te zinga mi a ni, an ti a. Arvind Kejriwal hi terrorist pawh a ni lova, ram hmelma pawh a ni heklo! A tihsual lian ber chu, India ram khawpui ber Delhi-a mi narante tana zirna in tha pek te, hospital tha leh changtlung zawk, mi narante tana a thlawna inentir theihna tur pek te leh Central sorkar dinglai, Modi-a kaihhruai thil tihsual leh tih dikloh na taka a dem te hi a ni, an ti.#zabilianz

Aam Aadmi Party chu kum reilote chhunga Arvind Kejriwal-a kaihhruaina hnuaia National Party a ni thei leh a thang chak em em chu BJP hian an hmumawh a, he party chhiat vek leh ral theihna tur dapin sorkar thuneihna hmangin kawng chi tinrengin a bei ta niin a lang, an ti a. Heng thuneihna hman diklohna hian keini Mizoram thleng pawh hian nghawng a neih theih tlat avang te, India ram danpuiin min pek, kan dikna leh zalennate hi rah beha a awmlohna turin Mizoram mipuite pawh hian India ram politics kalphung mai bakah kan ram politics leh state sorkar-in Central a dawr dan chungchangte thleng hian ngun leh zuala kan thlithlai a ngai a ni, an ti.
|
Kan tan leh kan ram tan, pawisa leh hausakna ringawt ni lovin, kan tu leh fate leh hun lo la awm tur atan hian BJP sorkar thil tih dan hi a him em tih bengsika kan ngaihtuah a tul takzet tawh, an ti a. India leh Mizoram mipui ten lo hria se kan duh ber chu, diklo taka BJP sorkarin hun rei tak chhung Jail-a a tan tir mek Arvind Kejriwal-a hi rang takin chhuah zalen rawh se tih hi a ni, an ti bawk.#zabilianz #zofatehuapzo

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more