Mizoram Environmental NGO Coordination hmalakna chungchangah ram neitute inkokhawm - resolution an siam

#ZabilianZ July 30: Land Owner’s Association, Kolasib district, (Package 3-8), Kawnpui-a kalkhawmin, Forest Act 1955 tlawhchhana Roadside Reserved Forest (RRF) Notification 1965 High Court-in ni 27 Jan, 2021-a lo hnawl/nuaibo tawh, tunhnaia Supreme Court-in tinung leh tura stay order a tih chhuah chungchangah resolution an siam.

Roadside Reserved Forest (RRF) chhunga cheng te dinhmun (ownership of land) hi sawrkarin tichiang vat rawh se, an ti a. RRF Notification a nun leh tak avangin Forest ram chhunga cheng te pawh hnawtchhuak (evict) sela, an chenna tur ngaihtuahsak (rehabilitate) bawk rawh se, an ti.

Ram leh mipui tana hnawksak RRF Notification 1965 tinung leh tura Supreme Court-a Mizoram Environmental NGO Coordination (MENCO) bultuma petition thehluttute – Vanramchhuangi, VL Hrima, Romalsawma, Rongura Hrahsel leh Dr. Lalbiakmawia Ngente te hi kan dem takzet a; Environmental NGO te hi mipuite harsatna siamtu leh ram hmasawnna daltu dik tak an ni, an ti.#zabilianz

NGO ten thu dik tawklo hmanga Court-a petition an thehluh hi hnukkir leh rawh se : (xv) Preliminary Notification anga Court-a an thehluh (Doc. Annex A-5) hi preliminary notification ni lovin, final notification zawk a ni, an ti a. Reserved Forest puan a nih dawn hian mipuiah puanzarna – preliminary notification awm lovin final notification tihchhuah tawp a ni.

Section 21 hi final notification puanna tur a ni.
Reserved Forest puang tura danin a phut te an zawm lo.
|NGO te hian Court hi thu dik tawklo hmanga hmin (misguide) an tum a ni.
(xvi) Final Notification (Doc. Annex A-6) anga an sawi pawh hi a dik lo bawk.

Dt. 16th Sept. 1957-a Zoram Hriattirna a an tihchhuah hi Final Notification ni lovin, thingkih phalloh chungchanga mipuite hriattirna satliah – executive order zawk a ni.#zabilianz

Forest Act 1955 tlawhchhana Reserved Forest puan a nih hian danin a phut Section 15 -20 te hi pakhat mah an zawm lo. Tin, NGO ten an petition-ah hian Reserved Forest te hi Forest Dept. enkawl ramngaw chhah tak (dense forest) anga an sawi pawh hi thu diklo hulhual a ni.

1965 kuma Reserved Forest an puan hma kum engemawzat kalta ah heng hmunah te hian khua a lo ding tawh a, chung khua te chu Reserved an puanhnan bawk.

Hetianga NGO ten thu dik tawklo (misleading information) hmanga Court-a petition an thehlut hi Court zahlohna a ni a, an petition hi cancel theih a ni. A thehluttute hian pawisa tam tak an chawi theih bakah lung in hial tan theihna a ni bawk. Dan hre mi (advocate) pawh hrem theih niin a hna atanga ban theih a ni, an ti.

RRF Notification 1965 hi thiah (de-notify) a nih theih nan sawrkar-in hma la rawh se, an ti a. RRF Notification 1965 chungchangah hian Supreme Court pawhin mipuite dinhmun thlir chunga thutlukna dik tak a siam ngei kan beisei tlat a, kan dikna leh chanvo humhalh turin ram neitute hian a tawp thlengin kan bei zel dawn, an ti bawk.#zabilianz #zofatehuapzo