Article : 26th, 07, 2021


#ZabilianZ July 26: A hun leh nî te han chhui kîrin a kum thumna (3-na) cham kan lo thleng leh ta reng mai, ṭhenkhat chuan 26th, 07, 2021 hi enge a pawimawhna kan hre tawh lo maithei; He Ni ngei hi a ni ramri fello vanga Assam Police leh Mizoram Police te inkah Ni kha. He inkah Ni hi a cham dâwnah hian ka la ziak ziah a, lungthu kim nan khaw'nge tlem ka han ziak leh teh ang.

A hmasaberah chuan kha inkahnaah khan kan lamah Lal Isua ṭang lo se nunna chân kan nei nual ang; Inkah laia kan SP Pu Lalfaka dinhmun te kha a va hlauhawm em! Goliatha ang maia palian zâwk leh thuam famkim nena lo thawk, chapo taka kan Police te duty post min hnehchhuhtu Assam lam khan kha mi ni la la khân mi paruk (6) an chân asin! Ṭawngṭaina chhang ṭhîntu Pathian ropui ber a che kan ti lo thei lovang.

Ka ngaihtuahlêt châng hian kha inkah ni hma lam leh a hnu zêla Mizoram tan leh Hnam tana theihna zawng zawng sêng ngam Chief Secretary Pu Lalnunmawia Chuaungo (IAS) kan nei tlat te kha a va fuh em; amah bâkah Vairengte chinchang leh ram awm dan hre em em tu Pu Lalbiakthanga IPS, DIG, Northern Range (Kolasib SP lo ni tawh) leh Dr H. Lalthlangliana MCS, District Bawrhsap (Vairengte SDO (C) lo ni tawh) te awm lai a han ni tlat te kha a mak angreng asin aw!

SDO (C) Pu Isaka MCS ramri vei em em mai te, SDPO fel tak Vairengte mâkpa ni bawk Pu Thartea te leh Police OC fit leh PR nei ṭha tak Pu Chawia te ho an han awmho dal dal kha a dik thlup mai a ni.

Sawi hmaih hauh loh tûr chu Vairengte ṭhalai te, nu leh pa a...pavalai aṭanga kum upa tak tak te Assam Police ho huai taka lo hmachhawna, an silai mu hial lo laksak ngamtu te kha; khawvêlah hian an tam viau lovang.

Tin, Mizoram Police te Armed Batallion hrang hrang aṭanga pawhkhawm ten ram leh hnam chhan nana phûr tak maia an mahni kaptu an han chhanglêt te, lehlam an tlâwm hnua zangaihna sâng tak lantira Pathian nung bia an ni tih a tâwpa an han pholang te kha a ropui a ni.

Hnehna kan chan hnua tunhmaa la awm ngai rêng rêng lo, Dt 26th, 07, 2021 hnua Vengthar, Vairengte (Thingtlang khaw te tia zet) inkahna bul vela a han piang ta rup khu a ni thil lawmawm em em chu. Tunhma deuh te chuan kan han buai chângin kan Police ten min chhan ngamlo/theilo ṭhîn, tunah erawh a dang ta, kan Silai te a puak ta rum rum e - khatih laia Sawrkarna chelhtu MNF te chet fuhna ber a ni âwm e.


-Zion Lalremruata
Chairman, Vairengte Welfare Committee
Aizawl (VWCA),

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more