BJP President-in Mizorama loneitute harsatna tawh chungchang Union MoS a sawipui


#ZabilianZ July 18: Aizawla cham mek Union Minister of State for Agriculture and Farmers Welfare Bhagirath Choudhary chu nizan khan BJP Mizioram State President Vanlalhmuaka nen State Guest House, Aizawl-ah an inkawm a. Mizorama loneitute harsatna tawh mek leh Mizoram loneitute tihhmasawn dan tur an sawidun.

BJP thuchhuahin a tarlan danin, BJP Mizoram State President Vanlalhmuaka chuan Mizoramin hma a sawn theihna tur chuan Mizoram mihring zaa 75 loneitute chu eizawnna ngelnghet siamsak hmasak a tul thu Union MoS chu a hrilh a. Mizorama loneitu an thlai thar hralh leh sawngbawl kawnga harsatna an tawhte leh transportation-a harsatna an tawh te, thlai chinna tihchangthlunna atana soft loan/KCC loan an mamawh dan te, loneitute tana Central sorkar scheme, Mizoramin FPO a kalpui dan a hlawhchham thu te pawh a sawipui.#zabilianz

Khuarel chhiatnain loneitute hmunhma a tihchhiat avanga chhawmdawl an tul thu te leh Mizoram loneitute leh kuthnathawktute tan state sorkarin sum hman tur a neih loh dan te pawh Vanlalhmuaka chuan Union MoS chu a sawipui niin BJP thuchhuah chuan a tarlang.

Union MoS Bhagirath Choudhary chuan Narendra Modi kaihhruai sorkarin Mizoram sorkar a ngaihpawimawh thu Mizoram BJP President chu hrilhin, Mizoram loneitu ten harsatna an tawh mek leh an harsatna ata ṭanpui an nih theih dan tur ziaka Mizoram a chhuahsan hma ngeia a hnena pe turin a lo hrilh niin BJP thuchhuah chuan a tarlang a. Amah ngei pawh loneitu a nih thu leh loneitute harsatna chu a hriatthiampui thu sawiin, Rajasthan State-a loneitu hruaitu a nih thu Mizoram BJP President chu a lo hrilh niin BJP thuchhuah chuan a tarlang bawk.

Mizoram BJP President hi Mizoram State BJP Gen Secy Lalthangmawii bakah Secy & State Kisan Morcha Prabhari R Lalmalsawma State leh State Kisan Morcha G.S Lalruattluangi ten an ṭawiawm a ni.#zabilianz #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more