Congress thalaiin Education Minister hmuin, zirlaite zirlaibu pe kim thuai turin an ngen


#ZabilianZ July 18: Congress party thalai (MPYCC) hruaitu ten vawiin khan School Education Minister Dr. Vanlalthlana hmuin, sorkar school zirlaibu indaihlohnaah a rang thei ang bera hma laa, lehkhabu nei kim lo te hnena lehkhabu pe kim thuai tura ngenna an thehlut.

MPYCC chuan tun thla ni 15 atanga school hrang hrang zirlai ten first term exam an tan tawh hnu pawha sorkar sikul (primary & middle, govt. aided) zirlaibu la dawng kimlo school 1270 chuang an la awm chu pawi an tih thu leh Mizoram zirna sawpchhiatna nasa tak a thlenga an ngaih thu an sawi.

MZP-in Samagra hnuaia middle school leh primary school, zirlaibu la dawng kimlo a tarlan danin, school 1270 (primary school 581 leh middle school 689) an la awm niin MPYCC chuan an sawi a. Aizawl district-ah zirlaibu la dawng kim lo school 309 (primary school 173, middle school 136) an awm thu an sawi a. Aizawl Municipal Corporation huamchhungah zirlaibu la dawng lo school 100 chuang zet an la awm niin an sawi.#zabilianz

Congress thalai chuan "Education deptt-in order an siam ang zat Printing & Stationary deptt-in an chhut hnua zirlaibu dawng kimlo an la awm chu Education Minister-in a department chan a hneh loh zia leh zirlaite bakah sorkar school-te a ngaihtuahlo tih tichiangtu ah kan ngai" an ti a. "Naupang leh school zat zirchiang hmasa lovin lehkhabu an order tawp tih a lang chiang" an ti.

MPYCC chuan Education Minister-in 'zirlaibu chhut dan chu sorkar kal tawh tih dan nen a inang reng a ti' nia sawiin, hei hian a laka beiseina thar, kalphung thar a awm loh zia a tichianga an ngaih thu an sawi a. "Education Minister hian a mawhphurhna a hlen lova, zirlaibu indaih loh chungchangah engmah sawifiah thei lova Printing & Stationary deptt. leh SCERT hotute a insawifiah tir hian a deptt. chan a chian loh zia a lantir bakah deptt. dang nen an thawhhona a tha lo tih pawh a tarlang chiangah kan ngai" an ti.#zabilianz

ZPM sorkar hnu ah Education department hnuaiah question leak-out leh casual teacher lak chungchanga thil fello leh sawisep kai a tam hle nia sawiin, MPYCC chuan "Heng thil fel lo thleng fo hi Education Minister hian a mawhah ngai lo niawm takin a ṭawngchhuak duh lo" an ti a. Zirlaite harsatna sutkian a nih theihna tura amah hmuh tum MZP hruaitute pawh naute birthday chhuanlamin a hmu duh lo nia sawiin, "Mizoram zirna sawpchhiat vek a pawisak loh zia leh MZP hruaitute leh zirlaite zahlohnaah kan ngai a ni" an ti.

MPYCC chuan Printing & Stationery Minister F. Rodingliana'n MZP hruaitute hnenah zirlaite harsatna sukiang turin ama department chan sum atanga zirlaibu chhut nghal thuai a nih tur thu a lo sawi laiin, Education Minister chuan zirlaibu chhutna man tur Chief Minister a sawipui thu a sawi ve thung si niin an sawi a. "An thu a inhmu lova, an thawhhona a chhe hle ah kan ngai" an ti bawk a ni.#zabilianz #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more