#ZabilianZ July 02: India rama sawrkar Damdawi In tha bikah Haulawng Primary Health Centre leh Chawlhhmun Urban Primary Health Centre te thlan thar an ni.
India rama sawrkar Damdawi In tha bik tehna - National Quality Assurance Standard (NQAS)-ah heng Damdawi In pahnih te hi an tling a. Damdawi In tha a tling tur hian state level leh national level tehna hrang hrang paltlangin Haulawng Primary Health Centre hian za-a 90.6 hmuin premium-ah an tling a, Chawlhhmun Urban Primary Health Centre-in za-a 87.9 a hmu bawk. Damdawi In tha tehna-ah hian tehna hrang hrang 2000 chuang a awm a ni.
Mizoram-ah Civil Hospital, Aizawl, Aibawk Primary Health Centre, Thingsulthliah Primary Health Centre leh ITI Urban Primary Health Centre te Damdawi In tha a thlan an lo ni tawh bawk.
0 Comments