Kan mamawh hmasa chu inkalpawhna kawng tha zawk leh tam zawk neih a ni :Lalduhoma


#ZabilianZ July 28: "Chief Minister Lalduhoma'n tuna kan mamawh hmasa chu inkalpawhna kawng tha zawk leh tam zawk neih a ni", a ti.

9th NITI Aayog Governing Council, Prime Minister Narendra Modi hova nimina New Delhi-a neihah he thu hi Chief Minister Lalduhoma chuan a sawi a. Mizoram road density chu national avarage aiin a la hniam bik nia sawiin, Mizoram mamawh hmasa chu inkalpawhna kawng tha zawk leh tam zawk neih a nih thu a sawi a ni.

Lalduhoma chuan Mizoram tan zirna, hriselna, tui, power leh faina lama hmasawnna tur a la tam thu leh administrative infrastructure indaihlohna pawh a la nasat thu pawh a sawi a. "Mizoram mipui zatve aia tam khawpuia cheng kan ni a, khawpui felfai leh leilung chhiatna laka him, state hmasawnna bulthut (growth centre) ni thei neih kan mamawh" tiin, khawpui leh thingtlang mipuite lakluh inthlau lutuk tihbo nan te, hna thar tam zawk siam a nih theih nan te 'handholding policy' an kalpui tur thu leh hemi atan hian central sorkar-in special package-in pui se an duh thu a sawi.#zabilianz

India hmarchhak state ten a leilung awm dan avang te, infrastructure lama an la hniam avangtein lndustry lian an nei tlem a, sum hnar an tlachham bik nia sawiin, Lalduhoma chuan "A bika kan harsatna te kan lo hmachhawnna tur, zalen zawka kan hman theih tur fund awm thei se, kan tangkaipui hle ang" a ti a. "10% GBS hi ministry tinin inkaihhruaina mumal tak duang se, Central PSU te pawh hian an CSR fund 10% vel tal hi hmarchhak state-ah hmang thei se", tiin a rawtna te a thlen bawk.

Chief Minister Lalduhoma chuan Viksit Bharat tihlawhtling turin remna leh muanna neih a tul hmasak thu sawiin, Mizoram chu international border pahnih karcheh, a thenawm rama harsatna thleng te avanga chim buai reng a nih thu a sawi a. "Security related expenditure kan dawn a rem ta chiah lo a nih pawhin central sorkar hian peace dividend tal min ngaihtuahsak se kan duh a ni" a ti niin sorkar thuchhuah chuan a tarlang bawk a ni.#zabilianz #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more