ZPM-in CBI hnena General Consent kan pe an tih leh MNF sorkar kaltain partial consent an pek khan danglamna pakhatmah a nei lo :MPCC Vigilance Cell


#ZabilianZ July 26: MPCC Vigilance Cell-in Chief Minister Lalduhoma'n CBI general consent pek chungchangah Mizoram Peoples' Forum (MPF) hruaitute thudik ziktluaklo a hrilh niin an sawi a. "ZPM-in CBI hnena General Consent kan pe an tih leh MNF sorkar kaltain partial consent an pek khan danglamna pakhatmah a nei lo" an ti.

Vawiin khan Aizawl Press Club-ah thuthar thehdarhtute kawmin he thu hi MPCC Vigilance Cell chuan an sawi a. MPF hruaitute hnena Chief Minister-in "CBI hnenah ram dan tharin a phut ang thlapin general consent kan pe" tia, a sawi chu thudik ziktluaklo nia sawiin, Mizoram mipui rilru hruai sual tumna a awm nia an hriat thu an sawi.#zabilianz

Chief Minister leh sorkar sawisel ngawr ngawr chu an tum a nih loh thu leh mipuiin thudik an hriat theihna tura ke pen chu an tih tur leh mawhphurhna nia an ngaih thu an sawi a. Chief Minister-in 'ram dan tharin a phut' a tih chu lndian Penal Code, 1860 thlaktu Bharatiya Nyaya Sanhita, 2023 nia a lan thu sawiin, "CBI consent pek chungchangah he dan thar hian engmah phut a nei lo" tiin "CBI Director-in state tin hnena lehkha a thawn dungzuia ZPM sorkarin consent/remtihna thar an pek July 1, 2024 a Mizoram sorkar Gazette Notification a an chhuahah pawh khan he dan thar hi sawilan a ni lo", an ti.

MPCC Vigilance Cell-in an sawi danin, Indian Penal Code, 1860 thlaktu, Bharatiya Nyaya Sanhita, 2023 chu July 1, 2024 atanga hman tan a nih tak avanga Section 3 of Delhi Special Police Establishment Act, 1946 hnuaia notification thar chhuah ngai chu Ministry of Personnel, Public Grievances and Pension, Govt of India, New Delhi-in June 18, 2024 ah an chhuah tawh a, state sorkar tan a thara notification chhuah a ngai lo", an ti a. "Hei vang hi a ni ngei ang CBI hnena phalna an pek thar July 1, 2024 Gazette notification ah pawh he dan thar hi sawilan a ni chuang lo. CBI hnena phalna (consent) pek chungchangah hian general consent nge a nih partial consent tih aia pawimawh zawk chu phalna/consent pek hian enge a huam tih hi a ni", an ti.#zabilianz

"Kan Chief Minister-in kum 2023 MLA election campaign laia CBI hnena 'general consent' pek a tiam thin leh sorkar thar pian hnua Mizoram Legislative Assembly Session hmasaber December 14, 2023 a a sawi 'kan sorkar kaltaah khan Lokayukta-in CBI hnena pek a rawt pathum lai sorkara thehluh kan sorkarin a lo dangchat a, pek a phal lo a nih kha. Keini erawh chuan general consent kan pe dawn a, engmah phalna min dil min dil a ngai dawn lo. An kuta thu lut chu an investigate mai dawn a ni' a tiha general Consent a sawi leh tuna general consent kan pe ti si a July 1, 2024 Gazette notification an chhuaha 'Mizoram sorkar hnuaia public servant-te CBI-in an chhui hmain state sorkar phalna ziaka lak hmasak phawt tur a ni' an ti leh si hi a inkalhin chhun leh zan ang a ni", an ti bawk.#zabilianz #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more