Local Council leh Village Council term pawhtawi - mipui zahlohna a ni : MNF Treasurer

#ZabilianZ Oct 23: MNF party Treasurer Lalruatkima'n "Home Minister Pu K Sangdanga'n Local Council leh Village Council term pawhtawi a nih tur thu a sawi hi a thlang tlingtu mipui zahlohna a ni" a ti.  

Sinlung Hills Council inthlan lo awm tur atana campaign mek MNF Treasurer chuan vawiin khan Zawngin leh Suangpuilawn-ah hun hmangin, he thu hi a sawi a. "Mipuiin kan aiawha duh taka kan thlan tlin VC te ZPM sorkar-in an thawhpui thei lo hi a pawi hle" a ti bawk.

Lalruatkima chuan VC leh LC te chu development kaltlangna tur agency dik an nih thu sawiin, chu chu sorkar chuan an palzut ta vek niin a sawi a. "LC leh VC ni laite hmang duh lovin VDC an dinchilh a, hei hi mipui zahlohna nasa tak a ni" tiin, democracy palzutna niin a sawi.#zabilianz

MNF Treasurer chuan ZPM chuan an party ni lo LC leh VC chu thawhpui an tum lo ringawt mai nia sawiin, "mipui, a thlang tlingtute an zah loh hle a, mipui sorkar an din lo chiang hle. Kalphung thar hi kalphung azawnga nawi ber leh ramhlui zia kalpui nasa ber, party mi vulh nasa ber an ni," a ti.

ZPM chuan LC leh VC chu sawhthing thar hmaa thlan an duh nia lan thu sawiin, Lalruatkima chuan "Sawhthing-ah hian an mualpho an ring niin a lang" a ti a. ZPM chu anmahni pawh an thawkho ṭha lo nia sawiin, midang phei chu thawho pui harsa an ti hle niin a sawi.#zabilianz

MNF Treasurer chuan, ZPM chu sorkar sum renchem lova ham bawrh bawrhah puhin, "an invulh a, chutih laiin mipuiah chhiah an tisang awk awk mai a ni" a ti a. "Sum lah an puk nasa tawh em em a, an buai takzet a ni. Sorkar mumal lo leh buai tak kan nei mek a ni," a ti bawk.#zabilianz #zabilianznews #zofatehuapzo