ZabilianZ

#ZabilianZ Oct 30: Chief Minister Lalduhoma'n ZMC a thawkte sawrkar leh society angin thuanghnihin an kal tih an hriat thu sawiin, an vaia sawrkar ta an nih theih dan tur an ruahman mek niin a sawi a. Council of Ministers thutkhawm leh huna chhawp chhuah an tum thu a sawi. ZMC, Falkawn-a Girls' Hostel thar leh Post Graduate degree in Public Health zirna thar vawiina a hawnna ah he thu hi Chief Minister chuan a sawi a. ZMC-ah a bikin dialysis lama mamawh te, cardialogy lama manpower mamawhna te leh mamawh dang te pawh a theih anga ngaihtuah a nih zel tur thu a sawi. Chief Minister chuan ZMC-ah khum 50 awmna Critical Care Block pawh PM-ABHIM scheme atanga sak an tum mek thu pawh a sawi a. ZMC-in hmalam a pan zel tih a taka an hmuh thu sawiin, ZMC chu sawrkarin a ngaihthah ngai dawn lova, zirna in tha zawk leh lian zawk a nih theih na turin a theihna apiangah sawrkarin hma a la zel dawn niin a sawi bawk.#zabilianz #zabilianznews #zofatehuapzo 

#ZabilianZ Oct 30: Asian Armwrestling Championship, 2024, Mumbai-a neiha Kg 80 hnuailama India aiawha tel Denic Lalruattluanga, ITI Veng-in Gold Medal a lak chu vawiin khan Congress party-in an lawmpui. MPCC Treasurer Dr. Lalmalsawma Nghaka hovin MPYCC Gen. Hqrs, Aizawl S-II Block Congress Committee leh ITI Veng Congress Unit ten Denic Lalruattluanga lawmpuina hun hi hmangin, thuziak bakah, pawisa, pangpar leh dekchi lian te an hlan a ni. MPCC Treasurer chuan Denic Lalruattluanga chu "ram leh ITI veng tan mai ni lo, khawvel huapa hmun hrang hranga Mizo awmte tihmingthatu a ni" a ti a. A mizia leh a inngaihtlawmna-ah te Mizo zemawi dik tak tilangtu a nih thu a sawi.#zabilianz Dr. Lalmalsawma chuan thalai ten an thiamthil hmanga hnam an tihmingtha thin leh an thalaipuite tan chona thar an siam thin chu lawmawm an tih thu a sawi a. Sawrkar pawhin tun aia nasaa chawimawia, a hlawhtlinna lawmpuiin chhawmdawl se an duh thu a sawi bawk. Denic Lalruattluanga pawhin lawmthu sawiin, bu...

#ZabilianZ Oct 25: Synod Information and Publicity Department (Synfo) leh Central Kristian Thalai Pawl (CKTP) tangdunin an buatsaih, KTP member te malzaia inelna inelna chu zanin khan zawhfel niin, top 10-a inhlangkaite puan nghal a ni. Praise On Top 10-a inhlangkai te : 1. C. Lalthanmawii, Luangmual West Branch 2. Lalruatsangi, Sihphir Branch 3. Lalthlanawma, Ramhlun Branch 4. Maria Lalmuanpuii, Chhiahtlang Bazar Veng Branch 5. P. Vanlalhriatpuia, Chaltlang South Branch 6. Ramdingliani, Bethlehem Branch 7. Sailokima, Kulikawn Branch 8. Saizampuii, Tuikual North Branch 9. Samuel Lalmuanchhana, Armed Veng Branch 10. Zaithanmawii, Kolasib Vengthar Branch    Top 10 te hi November 7-8, 2024 chhungin Dawrpui Kohhran Centenary Hall-ah live music hmangin an inel leh ang a, zankhatnaah Mizo lengkhawm hla, malzaia sak chi hmangin an inel ang a, hemi zan hian inelnaa tel te chu Zo thuama inthuam tura beisei an ni. A zanhnihnaah anmahni hla duhthlan hmangin an inel ang. Pakhatna lawmman ...

#ZabilianZ Oct. 24: Rev. Dr. Vanlal Nghaka Award 2024 leh Scholarship 2024 chu vawiin khan R.B. McCabe Hall, Aijal Club-ah sem a ni a. Rev. Dr. Vanlal Nghaka Award hi nun puma Pathian rawngbawl, pension hnu pawha thahnemngai taka rawngbawl chhunzawm zel, mi entawntlak 2 hnenah hlan niin, scholarship chu mi 3 hnenah hlan a ni. Rev. Dr. Vanlal Nghaka Foundation atanga Rev. Dr. Vanlal Nghaka Award 2024 dawngtu mi pahnih zinga pakhat zawk Upa Dr. LN Tluanga, Mission Veng - Kum 1980-ah kohhran upa atan thlan a ni a, 1982 ah School Education Director a nih laiin, hun puma rawngbawl turin missionary-ah a inpe a. Mizoram Synod tirhin Karibati ramah School Heasmaster hna a thawk a, a pension hnuah pawh kum 1987 khan a kal nawn leh a. Kum 1997-ah Interserve hnuaiah Delhi-ah Missionary hna a thawk leh a. Hemi hnu hian Synod Hospital Durtlang-ah Director hna te, English Congregation School Principal hna te a thawk leh bawk. India ram hmun hrang hranga mission conference-ah tun thlengin a la kal th...

#ZabilianZ Oct. 24: MPCC President Lal Thanzara'n "PC sawrkar Pu Thena kaihhruai khan remna leh muanna a awm theih nan hma an lo la a, mahse, Pathianin mal a sawm lo" a ti. Sinlung Hills Council inthlan lo awm tur atana campaign mek MPCC President chuan vawiin khan Phuaibuang, Khawlian, Zawngin, Suangpuilawn leh Vanbawng te tlawhin he thu hi a sawi a.  Congress chu Kristian pachal-in a din, remna leh muanna, sakhaw zalenna duhtu, Mizorama remna leh muanna thlentirtu niin a sawi. MPCC President chuan Chief Minister hlui Lal Thanhawla leh a minister te lalthuthleng ken azarah Mizoramin remna leh muanna a nei thei niin a sawi a. Mizoram hmasawnna - Airport, Rail kawng, Medical College, kawngpui leh tuilak thlengin Congress sawrkar hnathawh rah nia sawiin, "Congress mipuite hi kan tawng tam lova, heng hi kan sawi kan sawi lo a ni" a ti.#zabilianz Mizoramah Congress chu BJP sum hmang lo awmchhun nia sawiin, MPCC President chuan MNF chu BJP nen thawkhova, BJP sum hman...

#ZabilianZ Oct 23: MNF Senior Vice President Dr. R. Lalthangliana'n sawrkarin Oil man tihsan a nih chhan - kawng siamna atan leh sikul siamthat na atana hmang tur anga a insawi thin chu MNF hun laia an tih ve ngai loh a nih thu a sawi. Sinlung Hills Council inthlan lo awm tur atana campaign mek MNF Sr. Vice President chuan vawiin khan Khawlian, NE. Tlangnuam, Daido leh Phuaibuang khua ah te hun hmangin heng thu hi a sawi a. Mipui chhiah pek tlingkhawm (tax) hmangin kawng an siam ve ngai lova, sikul te an siamtha ve ngai lo nia sawiin, kawng siamna tur leh sikul siamthatna tur chu Central ministry atangin sum an pawt chhuak thin niin a sawi. MNF Senior Vice President chuan, "ZPM hotute thusawi hi a thu ringawt chuan a tha thin hle a; a taka nunpui an nei leh si lova, thu tha sawi ringawt ai chuan a taka nunpui leh thil tha tih a hun tawh a, thla 10 hmel an sorkarah hian thil tha an tih sawi tur mumal a la awm lo," a ti a. ZPM sorkar chu an sual vang hrim hrim ni lovin, exp...

#ZabilianZ Oct 23: MNF party Treasurer Lalruatkima'n "Home Minister Pu K Sangdanga'n Local Council leh Village Council term pawhtawi a nih tur thu a sawi hi a thlang tlingtu mipui zahlohna a ni" a ti.   Sinlung Hills Council inthlan lo awm tur atana campaign mek MNF Treasurer chuan vawiin khan Zawngin leh Suangpuilawn-ah hun hmangin, he thu hi a sawi a. "Mipuiin kan aiawha duh taka kan thlan tlin VC te ZPM sorkar-in an thawhpui thei lo hi a pawi hle" a ti bawk. Lalruatkima chuan VC leh LC te chu development kaltlangna tur agency dik an nih thu sawiin, chu chu sorkar chuan an palzut ta vek niin a sawi a. "LC leh VC ni laite hmang duh lovin VDC an dinchilh a, hei hi mipui zahlohna nasa tak a ni" tiin, democracy palzutna niin a sawi.#zabilianz MNF Treasurer chuan ZPM chuan an party ni lo LC leh VC chu thawhpui an tum lo ringawt mai nia sawiin, "mipui, a thlang tlingtute an zah loh hle a, mipui sorkar an din lo chiang hle. Kalphung thar hi kalphun...

#ZabilianZ Oct 23: Minister Dr. Vanlalthlana'n tuialhthei man tihsan chungchangah mipuiin sorkar ruahmanna hrethiamin an pawm hle nia an hriat thu a sawi a. "A chhan chu heng chhiah kan lak te hi mipuite tana hman tur a ni" a ti. Sinlung Hills Council inthlan lo awm tur atana ZPM leh HPC party tangdun tana campaign mek Dr. Vanlalthlana chuan vawiin khan Sunhluchhip, Sailutar leh Ratu khua te tlawhin heng thu hi a sawi a. Chhiah an lak te chu zirna, hriselna, hmeichhia te tan leh kawng siamthatna atan tea hman tur a nih thu sawiin, "mipuite hnenah a vaiin heng chhiahte hi a let leh vek dawn a ni" a ti. Dr. Vanlalthlana chuan "ZPM te hian corruption laka fihlim kan intiama, vawiin thlengin Pathian khawngaihna zarah eirukna laka hmingchhia kan la awm lo" a ti a. Aikal lak titawp tura hma an lak thu leh a harsat thu sawiin, "mi te huat pawh kan hlawh ngeiin ka ring, nimahsela kan ram tana tha turah chuan nghet takin kan ding zel dawn a, mipui pawhin m...

#ZabilianZ Oct. 23: Excise & Narcotics department leh Rangvamual branch YMA thawkdunin nimin chawhnu lam khan Rangvamual-ah Heroin gram 59 (Hawng 5) leh a neitu nia puh mi pahnih – Lalrinsangzuali (41), Rangvamual leh Lalchhanhima (38), Vaivakawn-a khawsa nia inchhal te an man. Excise & Narcotics Department leh CYMA Kumpuan Committee thawkdun pawhin nimin vek, tlai dar 6 vel khan Chanmari West-ah Heroin gram 172 (Hawng 15) leh a neitu nia puh – Vanlalfela (29), Tlangsam, Champhai district, tuna Chanmari West, Aizawl-a khawsa mek nia inchhal an man bawk. Heroin vanga man te hi the Narcotics Drugs & Psychotropic Substances Act, 1985 tlawhchhanin thubuai siamsak an ni a, vawiin khan Special Court (NDPS Act), Aizawl District-ah thawn an ni. #zabilianz #zabilianznews #zofatehuapzo 

#ZabilianZ Oct. 22: Nagaland-a Hornbill Festival vawi 25-na lo thleng tur atana inbuatsaihna pakhat, India rama band inelna lian ber - Ticket to Hornbill-ah Mizoram atanga tel band pathum atangin The Prophets chu pahnihna niin, December ni 1-10, 2024 chhunga neih tur Hornbill Festival-ah an inlan dawn.  The Prophets guitarist Eric-a chu guitarist tha bera thlan niin, Ibanez guitar a dawng a. Guitarist țha ber lawmman hi Ibanez company-in an sponsor a ni. Keyboardist tha berah Yugen keyboardist Nghaktea thlan a ni bawk. Ticket to Hornbill-ah hian pakhatna - Fifth Note, Nagaland niin, Rs. nuai 20 an dawng a, pahnihna The Prophets, Mizoram-in Rs. nuai 10 dawngin, pathumna Project Anonymous, Nagaland-in Rs. nuai 5 an dawng. Pakhatna atanga pathumna te hi kumina Hornbill Festival vawi 25-na neih turah an inlan dawn a ni.#zabilianz   Ticket to Hornbill-a tel tur hian band tha tak tak band 130-in an zai an thehlut a, heng zing atang hian band tha zual 30 thlan chhuah an ni. Band...

#ZabilianZ Oct. 21: Sinlung Hills Council inthlan atana campaign kalmekah vawiin khan MPCC Treasurer Dr. Lalmalsawma Nghaka chuan Ratu a tlawh a. Khawtlang hruaitu thenkhat te kawmin, khawtlangin harsatna an tawh hrang hrang te a sawipui. MPCC Treasurer Congress party-in hma thar la-in an tho kang leh dawn nia sawiin, Congress party chu mipui mamawh leh mipui milin an insiamthar leh thin niin a sawi a. "Kan hmathlir te mipui mamawh milin kan her rem thin. Tluksawp chang nei thin mah ila, Pathian khawngaihna a zarah mupui sang taka a thlawk kang leh thin angin kan tho kang ve leh thin," a ti. Dr. Lalmalsawma chuan, tunhnai inthlan awm ah te an che tha lo hle tih sawiin, an chaklohnate chu inzirna leh chona thar petu a nih thu a sawi a. Ram mipui tana chhenfakawm sawrkar a din leh theihna tura hmathlir thar nen mipui mamawh zir chiang chungin tho kang leh turin an inbuatsaih mek niin a sawi. Sinlung Hills Council inthlan lo awm tura Congress candidate te chu an hotu ten uluk ta...

#ZabilianZ Oct 21: MNF Senior Vice President Dr. R. Lalthangliana'n sawrkar lai ZPM chu sorkar hnathawk chungah an inluling hle nia sawiin, "mipui beng a thlep tan khawp mai" a ti. SHC inthlan atana campaign mek MNF Senior Vice President, Dr. R. Lalthangliana chuan vawiin khan - Sailutar, Sawleng, New Vervek, Sakawrdai, Tinghmun, Zohmun, Lungsum leh Ratu khuate tlawhin, he thu hi a sawi a. "'Min enchhin rawh u' titu te hian enchhin an dawl lo tan hle a, rei an kal a rinawm lo a ni" a ti. Dr R. Lalthangliana chuan 'ZPM-in min enchhin rawh u' an tih avangin mipuiin enchhin an chak a, an han enchhin ta a, thla 10 an sorkar chhungin mipui rin ang an ni lo hle" a ti a. "Ration card vara la ten a let thawka man tovin an la a, AMC area-ah chauh a man to turin an sawi a, mahse, thingtlangah pawh a man to vekin an la leh si, oil man a to a, kawng a chhe em em a, sorkar hnathawk chungah an inluling hle a, mipui beng a thlep tan khawp mai", a...

#ZabilianZ Oct 19: YMA branch hrang hrang te hnam lama inelna - Chief Minister's Running Trophy vawi 13-na ni hnih awh chu vawiin khan a hmawr bawk a ni a, a pumpuiah Chanmari West branch, Aizawl pakhatna an ni. He inelna hi DMC, Pipu Tlang, Dawrpui-ah nimin atang khan neih a ni a. Cheraw leh Khuallam-a inelin, Chanmari West branch, Aizawl chu a pumpuiah pakhatna an ni a, pahnihna - Vaivakawn branch, Aizawl an ni thung. Cheraw-ah pakhatna Chanmari West branch, pahnihna Lamka branch, Manipur niin, pathumna Ramthar branch, Aizawl an ni a. Khuallam-ah pakhatna Vaivakawn branch, pahnihna Chanmari West branch niin, pathumna Pawlrang branch an ni.#zabilianz He inelnaah hi Central YMA leh Art & Culture Deptt. buatsaih niin, YMA branch hrang hrang 50 chuangin tel turin hming pelut mahse, branch 42 an inlan a. Lamka branch, Manipur chu Mizoram pawna YMA branch awm zingah he inelnaa tel awmchhun an ni. Chief Minister's Running Trophy tawp kharna hun hi vawiin chawhnu dar hnih khan DM...

#ZabilianZ Oct 18: Nimin (October ni 17, 2024)-a Minister of State F. Rodingliana zin haw, 2nd Bn. Assam Rifles ten hmun hrang hrangah lo ti dinga an lo tihkhawtlai chungchangah political party leh pawl hrang hrangin Assam Rifles te chet dan an dem thu an puang. MNF Legislature Party chuan he thil thleng hi Mizo hnam leh democracy zahlohnaa an ngaih thu an sawi a. "2nd Bn. Assam Rifles-in Mizoram Minister zah lo taka kan ram chhung kawng ngeia rei tak ralthuam nen rikrapa an dang khawtlai hi Mizo hnam leh democracy zahlohnaa kan ngai" an ti. Mizoram leh Mizo hnam leh democracy zahawmna humhima, a mawhphurhna hlen ngei turin Mizoram sawrkar an phut bawk.#zabilianz MZP pawhin Minister of State Pu F. Rodingliana zin haw lam Assam Rifles-in an lo dang buai chu hriatthiam har an tih thu an sawi a. Assam Rifles te chet dan chhui chianga, a tul anga hma la turin Mizoram sawrkar ngenin, "Armed Forces Special Power Act 1958 (AFSPA) hmanna state pawh ni lo, Mizorama Assam Rifles-i...

#ZabilianZ Oct 16: Mizoram sawrkar chuan vawiin khan C. Zodinpuii, Durtlang, Aizawl chu Mizoram State Commission for Women Chairperson, atan a ruat. C. Zodinpuii hi thiamna lamah MSW, (Family & Child Welfare Specialization), TATA Institute of Social Sciences, Mumbai atanga zir chhuak a ni. Sawrkar hna a thawh laiin Social Welfare Department hnuaiah hna hrang hrang - Case Worker, Remand Home Superintendent, Residential Institute Training Centre (RITC), Durtlang hna te a lo chelh tawh a. Directorate of Social Welfare & Tribal Affairs Joint Director-in ni 31.12.2023 khan a pension a. Protection of Women from Domestic Violence Act, 2005 ah Master Trainer a nih bakah Protection Officer-in a awm tawh bawk. Mizoram sawrkarin Mizoram State Commission for Women Chairperson atana a ruat hmasak C. Lalchhandami chu ruat a nih danah thil fello awm nia sawiin, eptu party ten bang tura an nawr hnu ah banna a thehlut a, a banna thehluh chu sawrkar pawhin a lo pawmsak a ni.#zabilianz #zabilianz...

#ZabilianZ Oct 12: MZP, General Headquarters Executive Committee thukhawmin tunhnaia sawrkar department hrang hranga officer pension tawh rawih chungchang leh 'zirlaite ni' lo thleng tur chungchang an ngaihtuah a. Oficer pension tawh rawihnawn leh pension mai tur rawih nawn tura file kallai awma an hriat avangin chhui chian ni se, an ti a, pension tawh rawih nawn an nih loh na tura hmalak ni se, an ti. MZP chuan Mizoram sawrkar hnuaia hnathawk pension tawh rawih nawn an awm fo chu tunhma atangin tha an tih loh thu an sawi fo tawh tih an sawi a. Pension tawh rawih nawn an nih avanga bang tura nawr pawh an lo nei tawh thin niin an sawi. Sawrkar hnathawkte chu an hnathawh hun chhunga thahnemngai taka thawk tura ngenin, an pension tawh hnuah erawh chuan thalai hna zawng mek te kian tura an duh thu an sawi bawk. MZP hruaitute thukhawm chuan 'zirlaite ni' October ni 27 chu Pathianni a nih avangin, ni 26, October, 2024 ah Aizawl khawpui chhungah zirlaite ni pualin ruihho dova ...

#ZabilianZ Oct 12: Home Minister K. Sapdanga'n halpuah leh halmawi Mizorama lakluh kawnga sawrkar hnathawk inhnamhnawih an awm a nih chuan an service-in tawrh tur thu a sawi. UD&PA department huaihawt, Aizawl Faina Hmathlir sawihona, Vaivakawn YMA Auditorium-a nimina neih a hmanpuinaah he thu hi Home Minister chuan a sawi a. Halpuah leh halmawi Mizorama lakluhna motor neitu leh driver chungah pawh sawrkar a khauh hle dawn niin a sawi. Home Minister chuan boruak tithianghlimlo zawnga kumhlui thlah leh kumthar hmuah thin pawh pawi a tih thu sawiin, "Fai turin kan inngenin kan inzirtir chhunzawm zel ang, chutihrual chuan khauh takin law and order hmangin kan kawtthler, in leh a vel, kan tuiluankawr, kan boruak leh hmun dang te pawh kan tifai tawh dawn a ni" a ti.#zabilianz UD&PA Minister bawk K. Sapdanga chuan Aizawl khawpui tuiluankawr zawng zawng khuha, awmze neia tuichhia te tuiluankawr té zawka luankhawm tira, tuiluankawr té zawk te chu a lian zawk fintir leh a, ...

#ZabilianZ Oct 10: Hun engemawchen damlohna avanga Hyderabad-a inenkawl Mizoram Larsap Dr. Hari Babu Kambhampati chu tunkar Nilaini (October 9, 2024) khan a lo haw a, vawiin khan Chief Minister Lalduhoma"n Raj Bhavan-ah a kan. Chief Minister chuan dam taka a lo kir leh avangin Larsap chu lawmpuina a hlan a. Hriselna tha nei zel turin duhsakna a hlan bawk. Larsap pawhin a inenkawlna kawngah Chief Minister-in a mamawh apiang a ngaihtuahsak avangin lawmthu a lo hrilh a. Hma a sawn zel thu a lo hrilh bawk a ni.

#ZabilianZ Oct 10: Mizoram State Project Monitoring Committee (MSPMC)-in vawiin khan NH-54 Chhiahtlang - Serchhip - Keitum kawng siam mek an endik a. Kawng siamna leh retaining wall siamna atana hmanraw hman leh hnathawh quality chu an duhkhawp loh thu an sawi. MSPMC chuan hmanraw tha karah a tha tawklo hman a awm thu te, engineering defect a awm nia an hmuh thu te, pavement innghahna lei insawh nghet tawk lo a awm thu te, tuihawk luankawr siamin duhthu a samloh thu leh siamthat leh cheithat ngai thil tam tak an hmuh thu an sawi a. NHIDCL aiawh leh contractor te chu a tha thei ang bera siamthat hna thawk rang turin an hrilh niin sawrkar thuchhuah chuan a tarlang. Kawng siam hna endiktute chuan contractor te chu an hnathawhna leilung an zirchian that leh that loh te, soil test an neih dan te zawtin, laboratory-a test an neih zawng zawng kimchang taka thehlut turin an hriattir a. Contractor te pawhin ruah sur nasa avanga harsatna an tawh dan te lo thlenin, a theih chin chinah kawng chhia...

#ZabilianZ Oct 10: Mizo Zirlai Pawl, Gen. Hqrs. Executive Committee vawiina țhukhawmin, Commerce & Industries Dept. hnuaia hna laka thil fello awm nia an hriat, thuneitute hnena an thlen tawh chungchangah tun thla ni 16 thleng sawrkar ngaihchan ni se, an ti. MZP chuan "Commerce & Industries Dept. hnuaia Asst. Marketing Inspector post khat ruak hnawhkhahna turah dan anga thil kalpui a nih mek laiin, he hna lak tur hi cancel thut a ni" an ti a. He hna lak tur atan hian October ni 6, 2023-ah advertisement tihchhuah a nih thu leh July ni 19, 2024-ah written exam neih a nih thu sawiin, he hna diltu mi 102 atanga mi 10 te interview tura koh ten interview tura Commerce & Industries Secretary room an thlen tawh hnu ah he hna lak tur hi cancel thut a nih thu an sawi. Commerce & Industries Dept. hnuaia Asst. Marketing Inspector hna diltu interview tura koh tawh mi 10-te chu tun thla ni 16 ral hma ngeia an interview theihna tura hmalak an phut a. October ni 16 ral hmaa h...

#ZabilianZ Oct. 08: Mizoram Journalist Association (MJA) Gen. Hqrs. leh Home Department tangkawpin vawiin khan Hnahthial-ah Cyber Crime chungchang zirhona seminar an buatsaih a, South Tuipui bialtu MLA Jeje Lalpekhlua'n a telpui. South Tuipui bialtu MLA Jeje Lalpekhlua chuan MJA leh Home Deptt. hmalakna fakin, cyber crime chungchang zirhona seminar chu "tunlai khawvela kan mamawh tak a ni" a ti a. Social media-in thil a tih theih tawh zia sawiin, a tha lama hman theihna a tam rualin, a chhe lama hman a awlsam zawk fo thu a sawi a. Fake account hmanga midang pawi an sawi leh sawi loh pawh ngaihtuah lova duh duh sawi an tam thin chu pawi a tih thu sawiin, dan ang hial pawha thubuai awrh theihna awlsam tak a nih avangin fimkhur a tul thu a sawi. Inbumna laka filhlim turin social media leh internet facilities hrang hrangte chu mitin ten fimkhur taka hman thin a pawimawh thu Jeje Lalpekhlua chuan a sawi bawk. Seminar hi MJA Gen. Hqrs. President C. Lalrambuatsaiha'n a kaihr...

#ZabilianZ Oct. 08: November ni 5, 2024-a bial 12 awmna Sinlung Hills Council inthlan lo awm tura ZPM leh HPC; MNF leh HPC (Reformed) leh Congrtess party candidate tur te : ZPM leh HPC candidate tur te : 1. Khawlian bial ah K. Hrangkunga 2. Phuaibuang bial ah VL Siamsanga 3. Suangpuilawn bial ah Lalvenhima Hmar 4. Vanbawng bial ah HC Lalhunhlua 5. Ratu bial ah Saizawna Sailo 6. New Vervek bial ah Lalhlunchhunga 7. Sakawrdai South bial Lalremruata Varte 8. Sakawrdai North bial ah Lalram Muanpuia 9. Zohmun bial ah HC Lalmalsawma 10. North Tinghmun bial H. Lalchhuanawma 11. Saipum bial ah Lalrawngbawla 12. Saiphai bial ah HL Banliana MNF leh HPC (R) candidate tur te : 1. Khawlian bial ah Rochungnunga 2. Phuaibuang bial ah Lord Joyfula 3. Suangpuilawn bial ah Vanlaltluangliana 4. Vanbawng bial ah Ricky Lalremsanga 5. Ratu bial ah R Lalhmingthanga 6. New Vervek bial ah C Lalnuntlanga 7. Sakawrdai South bial ah Lalhriatchhunga 8. Sakawrdai North bial ah Melody Lalchhuangzeli 9. Zohmun bial a...

#ZabilianZ Oct 08: Congress party-in vawiin khan November ni 5, 2024-a Sinlung Hills Council (SHC) inthlan lo awm tura an candidate tur te an puang a. Candidate puangtu MPCC President Pu Lal Thanzara'n he inthlana an party candidate tur an thlan dan te sawiin, bial hrang hranga an party hruaitute pawh lungrual takin an candidate te tan an thawk thei nia sawiin lawmawm a tih thu a sawi. Sinlung Hills Council inthlana Congress party candidate tur te chu : 1. Khawlian bial ah Lalrawngbawla, Zuangtui/Khawlian 2. Phuaibuang bial ah Lallianzama, Phuaibuang 3. Suangpuilawn bial ah M. Dawngliana, Suangpuilawn 4. Vanbawng bial ah Lalfakawma, Vanbawng 5. Ratu bial ah Lalthlamuana, Ratu 6. New Vervek bial ah PC. Vanlalthlana, New Vervek 7. Sakawrdai South bial ah Lalrokima, Sakawrdai 8. Sakawrdai North bial ah HC. Lalthanglura, Zohmun 9. Zohmun bial ah Biakchungnunga, Zohmun 10. Tinghmun bial ah Lalzoliana, Zohmun 11. Saipum bial ah Lalmuanpuia Ngurte, Saipum 12. Saiphai bial ah Lalthlirlien ...

#ZabilianZ Oct. 4: PWD Engineer-in-Chief hlui, MNF General Secretary Er. K. Lalsawmvela'n ZPM Spokesperson K. Laltluangkima'n Kawnpui - Khamrang kawng contract agreement-ah EPC contract kalphunga la awm ngai lo a inzep nual nia a sawi chu "a vaiin a diklo vek" a ti. He thu hi vawiina MNF party chhung inkhawmah PWD Engineer-in-Chief hlui, MNF General Secretary ni mek chuan a sawi a. Covid hri leng vanga Central-in dan a siam danglam thenkhatte hre tel ve lo-ah ZPM Spokesperson chu puhin, a hriat kim loh ah huai taka ṭawng-ah a puh a ni.#zabilianz MNF General Secretary chuan press conference-a a thusawi chhanglettu ZPM Spokesperson K Laltluangkima chuan hriatsual leh sawi sual a nei nual niin a sawi a. "CM-in contractor duhsak taka, hlawkna tem ve a, chantlan duhna avangin agreement diklo ziaka PWD officer a puh kha a diklo tih ka sawi nawn leh duh a. Dan ang thlapin kha agreement kha ziah a ni," a ti. Er. K. Lalsawmvela chuan ZPM Spokesperson chu mi thusawi a...

#ZabilianZ Oct 02: Larsap Indra Sena Reddy Nallu-a'n vawiin tlai khan Tuirial-a Solid Management Centre tlawhin, hmalakna hrang hrang - Mechanical Compost Plant, Vermi Compost Plant, Waste Resource Center, Waste Incinerator, Common Bio Medical Waste Treatment Plant leh Temporary Holding Area-te a enfiah a, a kaihhnawih department hotute a kawm bawk. Larsap chuan khawpui thang zelah bawlhhlawh a pun chak avangin a nih dan tur ang taka bawlhhlawh lakkhawmte sawngbawl a tul thu a sawi a. Hmasawnna ruhrel lian leh pawimawh tak tak te enkawl zui leh tuaihnum kawngah tanrual a tul thu sawiin, "harsatna a awm a nih pawhin kan zavaia kan ngaihven tlan a tul a ni", a ti. Tuirial-a Aizawl khawpui bawlhhlawh sawngbawlna - Solid Waste Management Centre hi UD&PA department hnuaia State Investment Programme Management and Implementation Unit (SIPMIU) hmalaknain North East Capital Cities Development Implementation Programme (NERCCDIP) hmanga sak niin, kum 2019 khan hawn a ni a, kum ...

#ZabilianZ Oct 02: YMA, Dawrpui branch, Aizawl-in vawiin khan an kum 36 tlin champha lo thleng tur pualin hmun hrang hrangah thilpek an pe a. YMA, Dawrpui branch hian tun thla ni 4-ah kum 36 a tling dawn a ni. Dawrpui YMA-in an dim champha puala thilpek an hlan te chu - |awng\ai Bethel Camping Centre, Sakawrtuichhun-ah an mamawh thil chi hrang hrang Rs. 50,000 man hu; Civil Hospital, Aizawl-a enkawl damlo mi 10 te Rs. 2,000 theuh bakah mimal thahnemngaiin Rs. 1,000 theuh an thawh belh nen Rs. 3,000 \heuhin an kan a. Mizoram State Cancer Institute, Zemabawk-a enkawl damlo mi 10 te Rs. 2,000 theuhin an kan bawk. Heng bakah hian Central YMA Kumpuan Sub-Comt. hnenah Rs. 10,000 bakah mimal thahnemngaiin an thawh Rs. 5,000, a vaiin Rs. 15,000 an pe a. Civil Hospital, Aizawl; |awng\ai Bethel Camping Centre leh YMA branch pali - Sairang Branch; Sairang Dinthar Branch; Sihhmui Branch leh Phunchawng Branch hnenah a tula an hman atan puan 20 theuh an pe bawk a ni.#zabilianz #zabilianznews #zofate...