Political party leh pawl hrang hrangin Mizoram Minister laka Assam Rifles te chet dan an dem


#ZabilianZ Oct 18: Nimin (October ni 17, 2024)-a Minister of State F. Rodingliana zin haw, 2nd Bn. Assam Rifles ten hmun hrang hrangah lo ti dinga an lo tihkhawtlai chungchangah political party leh pawl hrang hrangin Assam Rifles te chet dan an dem thu an puang.

MNF Legislature Party chuan he thil thleng hi Mizo hnam leh democracy zahlohnaa an ngaih thu an sawi a. "2nd Bn. Assam Rifles-in Mizoram Minister zah lo taka kan ram chhung kawng ngeia rei tak ralthuam nen rikrapa an dang khawtlai hi Mizo hnam leh democracy zahlohnaa kan ngai" an ti.

Mizoram leh Mizo hnam leh democracy zahawmna humhima, a mawhphurhna hlen ngei turin Mizoram sawrkar an phut bawk.#zabilianz

MZP pawhin Minister of State Pu F. Rodingliana zin haw lam Assam Rifles-in an lo dang buai chu hriatthiam har an tih thu an sawi a. Assam Rifles te chet dan chhui chianga, a tul anga hma la turin Mizoram sawrkar ngenin, "Armed Forces Special Power Act 1958 (AFSPA) hmanna state pawh ni lo, Mizorama Assam Rifles-in Minister zahawm tak Pu F. Rodingliana an lo dang ngawt mai hi enliam mai mai harsa kan ti a. Thuneihna hmansualna awm ngeiin kan hria a ni" an ti a. "Democracy hnuaia Mizoram mipui ten kan aiawh tura kan thlan chhuah te zahlohnaah kan ngai" an ti.

Mizoram Minister dang tura thu petu leh a bultumtu chhui chhuah an phut a, "Mizo mipuite leh Assam Rifles inkara inhriatthiamlohna thlentirtu hi a rang lama sawn chhuak vat turin thuneitute kan ngen" an ti a, he thil thleng chungchang hi Union Home Ministry-ah thlen an tum bawk.#zabilianz

MPCC President Lal Thanzara pawhin "Kan Minister hian National Flag a tar a, pilot a nei bawk a, amah zuitu a nei bawk. Chuti chunga mipuiin kan thlan lal kan Minister, Assam Riffles ten zahlo taka check tuma an lo tibuai hi a lungchhiatthlak a, kan dem a ni" a ti a. He thil thlen chhan rang taka chhui chhuak turin sawrkar a phut bawk.

Mizoram Industries & Commerce Service Association (MICOSA) pawhin Commerce & Industries Dept. changtu Minister of State zin haw Assam Rifles-in hmun hrang hrangah ralthuam leka an lo dang buai chu tihluihnaa inrikrapnaa an ngaih thu an sawi a. Assam Rifles ten Minister motor-a National Flag intar pawh zah lova an chet dan chu democracy zahlohna leh palzutna leh India Danpui (Constitution) zahlohnaa an ngaih thu an sawi.#zabilianz

MICOSA chuan "India dan hnuaia mipuiin kan thlan Minister pawh zah lova an cheksawlh duh a nih chuan Mizo mipuite hi Assam Rifles lakah kan him ta lo hle ah kan ngai" an ti a. "Mizo mipui bakah India Danpui leh Democracy pawh zah lova che Assam Rifles duty te hi na taka hrem kan phut a. Hetiang thil a thlen nawn tawh loh na tura hma la turin Mizoram sawrkar leh India sawrkar kan phut" an ti bawk.

ZPM party thalai pawhin Minister laka Assam Rifles chet dan chu a thlang tlingtu Mizo mipui leh India Danpui zahlohna tawpkhawka an ngaih thu an sawi a. Dinhmun derthawnga Mizoram hruaitu dintirtute chu an dem thu leh a mawhphurtu zawn chhuaha hrem bakah Mizoram sawrkar leh Mizo mipui hnenah ngaihdam an dil an phut bawk a ni.#zabilianz #zabilianznews #zofatehuapzo 

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more