Kawng leh sikul siamna atan mipui chhiah tlingkhawm kan hmang ve ngai lo : MNF Sr. Vice President


#ZabilianZ Oct 23: MNF Senior Vice President Dr. R. Lalthangliana'n sawrkarin Oil man tihsan a nih chhan - kawng siamna atan leh sikul siamthat na atana hmang tur anga a insawi thin chu MNF hun laia an tih ve ngai loh a nih thu a sawi.

Sinlung Hills Council inthlan lo awm tur atana campaign mek MNF Sr. Vice President chuan vawiin khan Khawlian, NE. Tlangnuam, Daido leh Phuaibuang khua ah te hun hmangin heng thu hi a sawi a. Mipui chhiah pek tlingkhawm (tax) hmangin kawng an siam ve ngai lova, sikul te an siamtha ve ngai lo nia sawiin, kawng siamna tur leh sikul siamthatna tur chu Central ministry atangin sum an pawt chhuak thin niin a sawi.

MNF Senior Vice President chuan, "ZPM hotute thusawi hi a thu ringawt chuan a tha thin hle a; a taka nunpui an nei leh si lova, thu tha sawi ringawt ai chuan a taka nunpui leh thil tha tih a hun tawh a, thla 10 hmel an sorkarah hian thil tha an tih sawi tur mumal a la awm lo," a ti a. ZPM sorkar chu an sual vang hrim hrim ni lovin, experience nei lo an nih avanga sorkarna an kalpui danah pal bawrh bawrh a, arkhawthimdai mai mai-ah a puh bawk.#zabilianz

Dr R. Lalthangliana chuan a sawi a. A hunlaia SSA sum atanga sikul building 3000 chuang an sak thu leh naupang chaw chhun (mid day meal) a free-a an pek thu te sawiin, MNF hun hmasaah RD Minister a nih laia thingtlang inkalpawhna kawng tam tak an siam te pawh mipui atanga tax lak ni lo, Central RD ministry (Rural connectivity)-a Rs. vbc 600 vel sum a sawi chhuah atanga an thawh vek niin a sawi a. Thingtlang khua In 250 awmna chin inkalpawh nan India ram state-ah Mizoram chu DPR siam hmasaber an nih thu a sawi.

MNF Sr. Vice President chuan ZPM sorkarin hand holding policy kalpui a tum chu a tak ram thleng thei tur ni lo, thil buaithlak nia sawiin, tihpuitlin tak tak theih a nih a rin loh thu a sawi a. ZPM chu vawikhat lo lang ve zuaia pil hlen leh mai tur niin a sawi bawk.#zabilianz #zabilianznews #zofatehuapzo

Comments

Post a Comment

Popular posts from this blog

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi...
Read more

Doctor pahnih kutthlak rawntua puh mi 6 police-in an man te bail-in chhuah

Image
#ZabilianZ Sept. 23: Durtlang Leitan bula doctor pahnih kutthlak rawntua puh mi 6 te Police-in an man hnu ah court-ah inlanin, bail-a chhuah tir an ni a. Doctor pahnih kutthlaktua puh zingah hian Police pawh a tel nia thudawn a ni. Thudawn danin kar kalta Inrinni (Sept. 21) zan khan Bawngkawn lam atanga kala Durtlang Leitan thlen chhoh hma deuh ah Synod Hospital, Durtlang-a thawk doctor pahnih chu kutthlak rawn an ni a. Pawikhawihtute hian doctor pahnih te hi motor atanga hnukchhuakin kut an thlak a, nikhawhrelo khawpa sawisain, an lu ah hliam na tak an tuar niin thudawnna chuan a sawi.#zabilianz He thil thlenna hmun nia sawiah hian Inrinni kalta zan khan intibuai an awm a, intihbuainaa tel pakhatin hetih laia an bula lo ding doctor te a va bia chu a lehlam chuan a thian te a punah ngaiin, motor-a chuang doctor pahnih chu hnukchhuakin kut an thlak rawn ta mai niin thudawnna chuan a sawi a. Doctor kutthlaktute hi Durtlang lam mi an ni lo vek niin a sawi bawk. He thil thleng chungchangah...
Read more

Feli Fanai a chawl ta

Image
#ZabilianZ Feb 12: Mizo zaithiam langsar ber pawl Feli Fanai chuan February ni 12, 2025 zing dar 2:15 khan chatuan ram a pan. F. Ramdingliana In, Ramhlun North-ah a ruang chawlhpui a nih hnu ah Champhai Venglai-a an In panpui a ni ang. Kum 33 mi Lalnunfeli (Feli Fanai) hi F Lalbiakmawia (L) leh C Lalthantluangi te fanu niin, September ni 8, 1991-ah a piang a, pianpui unau mipa 2 leh hmeichhe 1 neiin, a fapa te pahnih a kalsan bawk a ni.#zabilianz Hrisellohna hrang hrang ten a tlakbuak chhova, han ziaawm deuh thin mahse, damdawi in luh ngai a awm zauh zauh a. Nikum December khan a chauh zual deuh avangin Aizawl Hospital panpui niin, ICU-a enkawl ngai hialin a awm a. Kumin January ni 6 atang khan Ebenezer Hospital-ah enkawl zui ni mahse, hmasawn tak tak hleithei lovin he damdawi in atang hian chatuan ram a pan ta a ni.  Kum 2013 March ni 16 ah music video - John Mawitea leh Mapuii Fanai te hla 'Ka chawi nang che' a tihchhuah hnu lawkah November ni 19, 2013 ah a pa pualin album ...
Read more