MZP-in pensioner rawih nawn tumna awm nia an hriat chhui chian an tum

#ZabilianZ Oct 12: MZP, General Headquarters Executive Committee thukhawmin tunhnaia sawrkar department hrang hranga officer pension tawh rawih chungchang leh 'zirlaite ni' lo thleng tur chungchang an ngaihtuah a. Oficer pension tawh rawihnawn leh pension mai tur rawih nawn tura file kallai awma an hriat avangin chhui chian ni se, an ti a, pension tawh rawih nawn an nih loh na tura hmalak ni se, an ti.

MZP chuan Mizoram sawrkar hnuaia hnathawk pension tawh rawih nawn an awm fo chu tunhma atangin tha an tih loh thu an sawi fo tawh tih an sawi a. Pension tawh rawih nawn an nih avanga bang tura nawr pawh an lo nei tawh thin niin an sawi. Sawrkar hnathawkte chu an hnathawh hun chhunga thahnemngai taka thawk tura ngenin, an pension tawh hnuah erawh chuan thalai hna zawng mek te kian tura an duh thu an sawi bawk.

MZP hruaitute thukhawm chuan 'zirlaite ni' October ni 27 chu Pathianni a nih avangin, ni 26, October, 2024 ah Aizawl khawpui chhungah zirlaite ni pualin ruihho dova kawngzawh ni se, an ti a. Kumin zirlaite ni thupui atan 'Ruihhlo-Zirlaite hmelma' tih an hmang dawn a ni.#zabilianz #zabilianznews #zofatehuapzo