ZabilianZ

#ZabilianZ Jan 20: Chief Minister Lalduhoma'n "GST registration nei lo hnenah eng contract hna mah pek loh tur" a ti a. "Contract diltu chuan GST registration an nei ngei tur a ni" a ti. Disaster Management & Rehabilitation (DM & R) leh Department of Personnel & Administrative Reforms (DP & AR) te review meeting a neihpuinaah he thu hi vawiin khan Chief Minister chuan a sawi a. "Contract hna atangin chhiah tam tak a hmuh theih a, chan kan phal lo" a ti. Agreement tha tak nen chauh contract hna pek tawh tur a nih thu Chief Minister chuan sawiin, "contractor lam chan tha sa ranin agreement hi kan ziak fova, a phenah thil rinhlelhawm tak a lo awm duh viau lehnghal" a ti a. A neitu, a pawisa tumtu sawrkar chu a dawih zawkah a tang fo nia sawiin, hrem chakawm tak tak pawh an hrem ngam loh phah niin a sawi.#zabilianz One department, one bank system pawh kalpui thaa an hriat thu leh hriattirna tihchhuah thuai an tum thu Chief Ministe...

#ZabilianZ Jan 20: Mizoram Journalists' Association (MJA) Gen. Hqrs-a member ten vawiin khan Aizawl Press Club-ah kumthar atana Pathian hnena inhlantharna hun hmangin thingpui an inho a. MJA President C. Lalrambuatsaiha'n MJA member-te chu taimakna leh thawhrimna tel lovin eng kawngahmah a hlawhtlin theih loh tih hre thar turin a chah. MJA President chuan khawvel changkang zelah internet-in a run mek tih sawiin, social media leh hmasawnna hrang hrangin thuthar thehdarhtute chu nasa takin a tibuai a, an dinhmun chu derthawng taka a dah mek avangin hemi laka mahni inchhan chhuak tur leh talchhuak turin thawhrimna leh taimakna chu kawng awmchhun a ni tih an hriata, theihtawp an chhuah a tul thu a sawi.#zabilianz C. Lalrambuatsaiha chuan MJA member ten khawvel chu a thiam leh ti thei te dinchanna a ni tih an hriat reng a tul thu a sawi a. Dam khawchhuak tura theihtawp an chhuah loh chuan tu ten emaw an hliahkhuh mai dawn avangin theihtawp chhuah zel turin MJA member te chu a chah b...

#ZabilianZ Jan 20: MPCC President Lal Thanzara'n Pathianin kohhran leh politics chu a rawngbawl nan, ram siamthat nana a pek niin a sawi a. Village Council ṭha, Local Council ṭha neih loh chuan ram ṭha a neih theih tak tak loh niin a sawi. He thu hi vawiina Congress party Local Council member te nena Lal Thanhawla Auditorium, Congress Bhavan-a an inkawmhona ah MPCC President chuan a sawi a. Ram siamṭha turin politics leh kohhran kan tanrual a ngai nia sawiin, village level-ah local level-ah chhungkaw ṭha din phawt a ngai niin a sawi.#zabilianz Lal Thanzara chuan "Kan ram hi chhan tlak a la awm" tiin, "Mahse, ZPM sawrkar hian an term an hman zawh chuan kan chhe viau ang" a ti a. "Sum an pûk pawp pawp dan te pawh kan hre vek a, engvanginnge an pûk an pûk a ngaih? Central-a a chahbi kawltute khu he sawrkar chungah hian an lawm viau lo a nih ka ring, chuti ni lo se chuan pawisa an pûk an pûk ngai lo hian an rawn enkawl theih ka ring" a ti.#zabilianz ZPM ta...

#ZabilianZ Jan 20: Hachhek bialtu MLA Robert Romawia Royte-in ZPM-in kum khat chuang rorelna a chan hnuah pawh Hachhek bialah hmasawnna hnathawh sawitham a nei lo niin a sawi a. "MNF sawrkar sum sawichhuah sa leh sawrkar hmasa hna pek tawh sa cancel-a ZPM party mi ten hna chhe tak taka an thawh te chu an sawi tur neihchhun a ni mai" a ti. A bial fang mektu Hachhek bialtu MLA chuan kum 1 chhunga ZPM sawrkarin Hachhek bial tana a tih langsar nia a sawi te chu - "Mizoram chhung Phuldungsei khuaa Mizo 85 te ration card, Mizoram Adhaar nena online-a link thlap tawh cancel te; Health Clinic Centre 11-a Nurse thawklai tihtawp vek te; SEDP Teacher ban vek te; Zirtirtu leh sawrkar hnathawk ban leh transfer te leh work supervisor lem invilik em em te hi an thil tih awmchhun a ni" a ti bawk.#zabilianz Hachhek bialtu MLA, MNF thalai President ni bawk Robert Romawia chuan "ZPM sawrkar hotu ten 'kan ti ve lovang' an tih apiang an ti a, 'kan ti ang' an tih era...

#ZabilianZ Jan 20: MNF Vice President Vanlalzawma'n LC/VC inthlan lo awm turah, MNF block leh unit hruaitute an phur hle nia sawiin, "ZPM sawrkar a lo pian theihna tura vote tu tam tak ten ZPM sawrkar an support-na an in-withdraw mek vang a ni" a ti. He thu hi vawiina MNF party chhung inkhawmah MNF Vice President chuan a sawi a. "ZPM sawrkar chu, inthlan hma a an sawi angin an awm lo, an sawi loh angin an awm zawk" tiin, an sawrkar hma leh an sawrkar hnu a an thusawi a insual nasa hle niin a sawi. Vanlalzawma chuan "Sawrkar kan hrawn mekah thalai beidawng an tam" tiin, thalai beidawngte luhkhawmna buatsaih a ṭul thu leh hmeichhe tana hamthatna siam chungchang MNF party-in an ngaihpawihmawh a ṭul thu a sawi a. Sawrkara beidawngte luhkhawmna turin MNF party chu a inbuatsaih mek niin a sawi bawk.#zabilianz MNF Vice President chuan Covid avanga harsatnate, Assam nen kan ramri avanga ram humhalh kawngahte, kan unau raltlan - Bangladesh, Manipur leh Myanmar ...

#ZabilianZ Jan 20: Agriculture Minister PC Vanlalruata'n Mizoram sawrkarin February ni 20, 2025 atangin Sawhthing a lei tan dawn niin a sawi a, sawhthing chingtute lo inbuatsaih turin a chah. He thu hi vawiina ZPM party chhung inkhawmah Agriculture Minister chuan a sawi a. Lalduhoma kaihruai sawrkar-in thuneihna an chan atanga kum khat chhungin sawrkar kal tawh te kihhnawk tam tak an thianfai nia sawiin, an thianfai mek zel niin a sawi. Sawrkar kal tawh ten an flagship programme chu an term tawp dawn lamah an buaipui chauh thin nia sawiin, Agriculture Minister chuan "inthlan dawna politics khelh nan te pawh an hmang fo" a ti a. "Kalphung thar mipui sawrkar erawh chuan kan policy-te term tawp dawna politics khelh nan hman kan tum ve lo" a ti.#zabilianz Agriculture Minister chuan Bana kaih – hand holding scheme hmanga kuthnathawktute khaichhuah an tum thu leh thlai pali - Sawhthing, Aieng, Hmarcha leh Hmunphiah lei tura an inbuatsaih chhoh mek thu a sawi a. Hmunph...

#ZabilianZ Jan 20: Tlawng luia chesual nia rin, PHE Deptt-a thawk Zosangliana, Chanmari Veng, Aizawl chu vawiin khan Tlawng lui-ah a ruang hmuh a ni. Tarlan tawh angin, kum 37 mi Zosangliana hi kar kalta Zirtawpni, January ni 17 zan dar 8 vel khan hnathawka an awmna PHE pump, Reiek kai atangin Sangha man tura insawiin a chhuak a, lenkhang a zar nia hriat niin, a len te leh a silipar bun te pawh lui kamah hmuh a nih avangin tui-ah a chesual nia rin a ni a. Chanmari YMA, Maubawk YMA te, Chanmari veng thenawm veng hrang hranga YMA leh LC lam te, Sairang lam tui thiam te leh Central YMA disaster response team te nen theihtawpa zawn a nih hnu ah vawiin khan a ruang hmuh a ni ta a ni. Thudawn danin, ruang hi vawiin chawhnu her-ah khan hmuh niin, lak chhuah a ni tawh a, Aizawl lam pan tura buatsaih mek a ni a. Zanin dar 8:30-ah Chanmari YMA Hall-ah vui tura ruahman a ni#zabilianz #zabilianznews #zofatehuapzo  

#ZabilianZ Jan 19: December 2024 chhunga Aizawl district-a Krismas pual thisen pek runpui-ah thisen unit 1278 pek a ni a, thisen petute mipa 1032 leh hmeichhia 246 an ni. Association for Voluntary Blood Donation (AVBD), Mizoram state Aids control society (MSACS) leh Aizawl district-a blood bank hrang hrangte huaihawt Krismas pual thisen pek runpui 2024-ah hian Civil Hospital, Aizawl Blood bank-ah mi 944-in thisen an pe a, Synod Hospital, Durtlang Blood bank-ah mi 118-in thisen pe-in ZMC, Falkawn Blood bank-ah mi 216-in an pe bawk. AVBD chuan Krismas pual thisen pek runpui-a thisen petute inpekna leh tlawmngaihna fakin, lawmthu an sawi. Kumtawp lam Krismas vuakvet leh kumthar tir chu pawl hrang hrang buai lai,  hruaitu insîksawi lai leh kumthara an hmalakna tur te an duan chhoh hun lai a nih avangin kumtin December leh January-ah thisen pek a tlahniam thin niin AVBD chuan an sawi a. Tun thla kal mekah pawh thisen pek a tlahniam hle nia sawiin, tunlai hian thisen mamawh an awm pawhin...

#ZabilianZ Jan 19: Hachhek Bialtu MLA, Sports Minister hlui Robert Romawia Royte-in nimin khan Mamit Luangpawl tlanga Mamit Residential School behchhana phul lem phah khelmual siam thar a tlawh a. "Sawrkar laipuiin district dawmkan ngai bik (aspirational district) a thlan zinga Mizoram atanga tel awmchhun Mamit district-a MNF sorkarin zirna leh infiamna ruhrel tha tak tak a lo din hi sawrkar laipui leh Mamit district mipui duhdan tihhlawhtlinna a ni" a ti. Robert Romawia chuan "kum 2018 a MNF a sorkar leh hma khan Mamit district-ah infiamna hmunhma tha a awm ve lo, tunah erawh chuan hmuntina thalaite mamawh football khelmual phul lem phah pawh Mamit district hmun 5 ah siam zawh tawh niin, zana inkhelh theiha light system nei tha volleyball court leh basketball court te pawh Mamit district khaw hrang hrangin an nei ta hi a lawmawm a, hman pawh an hmang tangkaiin hma an sawn phah hle" a ti bawk. Hachhek bialtu MLA chuan "Mamit district chu Mizorama district hmasa...

#ZabilianZ Jan 19: PHE Deptt-a thawk Zosangliana, Chanmari Veng, Aizawl chu a hnathawhna PHE pump, Reiek kai atanga January ni 17, 2025 (Zirtawpni) zan dar 8 vela a chhuak a chin hriat zui a ni lova. Tui-ah a chesual nia rin niin, zawn mek a ni. Thudawnnain a sawi danin, kum 37 mi Zosangliana hi kar kalta Zirtawpni zan dar 8 vel khan hnathawka an awmna hmun atangin Sangha man tura insawiin a chhuak a, lenkhang a zar nia hriat niin, a len te leh a silipar bun te chu lui kamah hmuh a nih avangin tui-ah a chesual nia rin a nih thu thudawnna chuan a sawi.#zabilianz Maubawk YMA ten a theih ang angin an zawng zui a, nizan lamah Chanmari YMA hruaitute pawh mi 35 vel kalin Maubawk YMA hruaitute nen hmalak dan tur an sawiho a. Nizan khan Maubawk YMA member thenkhat leh Chanmari YMA hruaitu thenkhat te chu an President hovin a hmunah an tlaivar a ni. Tukin lamah Chanmari YMA hruaitu thahnem takin Tlawng lui lam hi an pan leh a, Maubawk YMA te nen bo zawn hna chhunzawmin, vawiin chhun dar 12 thle...

#ZabilianZ Jan 17: Govt. Mizo High School chhulchhuak band Millennials video thar 'Theih Se' tih chu zanin khan MZI Treasurer C. Rosangliani'n a tlanggzarh a. He video thar hi Millennials youtube channel Millennials Music-ah thlir leh ngaihthlak theiha chhawpchhuah nghal a ni. Kum 2022, September ni 5-a Govt. Mizo High School-in Zirtirtute Ni an hmannah Millennials hi a vawikhat nan an zai a. Hemi hnu hian school thil tih hrang hrangah an zai chho zelin, Kum 2023-ah phei chuan stage lian zawkah te an inlan chho ta zel a. Independence Day - AKAM concert-ah te, Winter Festival-ah te inlan chho zelin, MZI thil tihna hrang hrangah te an inlan thin bawk.#zabilianz Nikum May thla khan Guru Gee nen an hla hmasaber tur an record-a, rokhawlhna hrang hrang avangin an tihchhuah lawk theih loh hnu ah October ni 21 October khan an tichhuak ta a ni. A tira an line-up chu : Vocals - Zothanzuala Guitars - Zomuankima leh T. Lalnunpuia |Bass - Lalnuntluanga Drums - Lalrinhlua te an ni a. Kum...

#ZabilianZ Jan 17: Lalthara te Unau Foundation (LUF)-in vawiin khan  environment humhalh kawnga ti tha khaw 5 - Leng, N. Mualcheng, Rulkual, Tualbung leh Zote khua te hnenah 'Thil siam te chhantu chawimawina' an hlan. Thil siam te chhantu chawimawina hlan inkhawm hi RB McCabe Hall, Aijal Club-ah neih niin, chawimawina dawngtu khua ten chawimawina an dawn chhan, an hmalak dan te thlirho a ni a. Khawtlang hruaitu theuh ten an hmalak dan entawntlak tak tak te an sawi bawk.#zabilianz 'Thil siam te chhantu chawimawina' hian chawimawina thuziak bakah Rs. nuai 1 a keng tel a ni. Lalthara-te Unau Foundation (LUF) hi an unau 9 zinga la dam mi 6 ten 'Mihringte leh Thilsiam dangte chunga rawngbawlna hi Pathian Rawngbawlna a ni' (Service to Humanity and other Creations is Service to God) tih thupuia hmanga an din a ni a. January ni 6, 2023 chhun dar 12-ah RB McCabe Hall, Aijal Club-ah Mizoram Christian College Principal Dr. Tawnenga'n a hawng a ni.#zabilianz LUF hawn ni...

#ZabilianZ Jan 16: Mizoram state Election Commissioner Dr H. Lalthlangliana'n vawiin khan thuthar thehdarhtute kawmin, February ni 12, 2025 ah Village Council leh Local Council inthlanpui buatsaih a nih tur thu a puang a. Hemi ni vek, zan dar 7-ah VC leh LC zawng zawnga vote tla te chu a ruala chhiar țan tur a nih thu a sawi bawk. VC term chungchangah Court thubuai awm mahse, Court-in inthlan buatsaih rih lo tura a ti a nih loh chuan inthlan chu kaltlangpui tur a nih thu State Election Commissioner chuan a sawi a. "Term pangngai anga kal tur a nih pawhin, Court-in inthlan buatsaih rih lo tura a ti a nih loh chuan kan inthlang tho anga, charge an inhlan rih lo mai ang" a ti.#zabilianz State Election Commssioner chuan inthlan puan a nih rualin Model Code of Conduct pawh hman tan nghal tur a nih thu a sawi a. Aizawl Municipal Corporation (AMC) hnuaia Local Council 87 leh Lunglei Municipal Council (LMC) hnuaia Local Council 24 bakah VC 544-ah inthlan hi buatsaih a ni ang. VC ...

#ZabilianZ Jan 16: Mizoram Larsap tura ruat General (Dr) Vijay Kumar Singh chu vawiin khan Circular Lawn, Raj Bhavan, Aizawl-ah Mizoram Larsap 25-na atan rinawmna thu tiam tira lakluh a ni. Larsap thar hi Gauhati High Court Chief Justice Pu Vijay Bishnoi chuan rinawmna thu tiam tirin a lalut a. Chief Secretary Pu Khilli Ram Meena-a'n President of India-in Mizoram Larsap atana Gen. VK Singh a ruatna a chhiar chhuak bawk. General VK Singh hi Colonel Jagat Singh leh Pi Krishna Kumari te fapa niin, May ni 10, 1951 ah Pune-ah a piang a. Pi Bharti Singh nen inneiin fanu 2 leh tu 1 an nei a. Birla Public School, Pilani leh National Defence Academy-ah te lehkha zir thinin, Sipai-a a luh hnuah March ni 31, 2010 atangin Chief of the Army Staff a ni a, May ni 31, 2012 ah he dinhmun atang hian a chawl ta a ni.#zabilianz Sri Lanka-a IPFK kaihhnawih operation avangin Yudh Seva Medal (YSM) hlan a ni a, kum 2005-a Counter Insurency force hlawhtling taka a kaihhruai avangin Ati Vishisht Seva Medal ...

#ZabilianZ Jan 15: Tukin dar 6 vela Guwahati - Aizawl maxi cab service AS-01 KC 9188, Guwahati atanga Shillong thlen hmaa kawng thlanga tlanliama chesuala nunna chan leh hliam te Shillong group YMA leh DRC, Shillong ten buaipuiin, hliam enkawl dan tur leh ruang thawn haw dan turah ruahmanna an siam. He lirthei chesual-ah hian driver bakah midang 3 an chuang a. Driver N Chauhdhury, Silchar, Assam leh Zothanpari (52), Delhi-a an chhungkuaa cheng ten chetsualna hmunah nunna an chan a. Jenny Lalrinthangi (23), Thinghlun, Mamit District chu Umkiang CHC-a hruai a nih hnuah a hliam tuar lovin a nunna a chan ve leh bawk. He lirtheia chuang zinga nunna chan lo awmchhun Dim Hau Cing chu Umkiang CHC panpui a nih hnuah NEIGRIMS damdawi in panpui leh a ni. Thudawn danin, nunna chan zing ami Jenny Lalrinthangi ruang chu Khliehriat-ah postmortem a nih hnuah an khua Thinghlun panpui nghal tura ruahman a ni a, Zothanpari ruang erawh chu naktuk-ah Guwahati atangin thlawhna hmanga Delhi panpui tura ruahm...

#ZabilianZ Jan 15: Animal Husbandry & Veterinary Minister C Lalsawivunga'n vawiin khan AH&Vety farm Thenzawl tlawhin, department hmalakna leh hmalak dan tur te a enpui. AH&Vety Minister chuan "Thenzawlah hian AH&Vety chuan acres 769 a zau ram kan nei a, bul lo ṭantu te leh lo enkawltu kan mi hmasate ka fak hle a ni" a ti a. "Ran vulhtute pawhin helai hmun hi an chhawr tangkai hle a, chutihlaiin hei aia an chhawr ṭangkaina tur hian hma kan la zel dawn a ni”, a ti. C Lalsawivunga chuan "Tin 57 hmun. ran chaw chinna chu sorkar hmalaknain kum 2024 ah chuan tin 70 hmun siam belhin tin 127 hmun zeta zau ran chaw siamna hmun kan nei tawh a ni" a ti a. Ran chaw chu a ro (dry) hralh chhuah theih tura peihfel a nih tawh thu leh Kg 1,50,000 zet thar chhuah theih beisei a nih thu a sawi.#zabilianz AH&Vety Minister chuan Zo-Sial humhalhna tur atana din Sial Farm pawh tlawhin, hmathar lakna hrang hrang a enfiah a. Mizo Sial leh Zo Vawk a ral mai lohna...

#ZabilianZ Jan 15: Mizoram Larsap thar tur Gen. (Dr.) Vijay Kumar Singh chuan vawiin khan Aizawl a lo thleng a. Naktuk chawhma dar 11-ah Raj Bhavan Circular Lawn-ah rinawmna thu tiamtira lakluh a ni ang. Larsap thar tur Gen. (Dr.) Vijay Kumar Singh hian vawiin vek khan Aizawl a rawn pan hmain Guwahati-a Kamakhya Temple tlawhin, inpekna, rinawmna leh inngaihtlawmna nena Mizoram mipuite rawng a bawlsak theihna turin Pathian hnenah malsawmna dilin a tawngtai a ni. Ruahmanna hmasa-ah chuan Larsap thar tur hi January ni 8, 2025 ah Aizawl thlengin, a tuk January ni 9-ah lakluh tura ruahman ni mahse, an chhungkaw lam damlohna avangin Larsap atana lakluh hun chu sawn a ni.#zabilianz #zabilianznews #zofatehuapzo

#ZabilianZ Jan 15: MNF thalaiin vawiin khan May ni 29, 2024-a Cyclone Remal -in Chhimphei road a tihchhiatte an tlawh thu leh "Mizoram sorkar kan hrawn mekin Chhimphei road kawngpui mai ni lo, chhiattawk te a ngaithah zia kan hmuhin mipui zahlona-ah kan ngai a ni" an ti. Cyclone Remal-in kawngpui a tihchhiat, a tihbal te chu vawin thlengin sawrkarin a ngaihthah a, a la siam lo nia sawiin, MNF thalai chuan zin vei vak te leh ZMC damdawi in pantute tan a him lo hle niin an sawi a. Chhiatna lian zâwk a thlen leh hmaa Chhimphei road, ZMC panna kawng chu a rang thei ang bera siam tûra sawrkar phutin, SASCI project atanga sorkarin Cyclone Remal tuar te puihna tur sum Rs nuai 13750 a hmuh tur pawh dik taka hmang tura an phut thu an sawi bawk.#zabilianz MNF thalai chuan "Cyclone Remal avanga Mizoram sawrkarin sum tam tak, chhiatna tuarte chhawmdawlna tura a hmuh tur hi tha taka hmang turin kan beisei" an ti a. Cyclone Remal tuar te tanpuina chu Rajya Sabha MP Pu K. Vanlalve...

#ZabilianZ Jan 14: Viksit Bharat Young Leaders Dialogue - January ni 10 - 12, 2025 chhunga Bharat Mandapam, New Delhi-a neihah Pachhunga University College History department-a fourth-semester zirlai Grace Lalrinpari Hauzel chu Youth Representative of India atana thlan zingah a tel. Thalai, ram hruaitu ni thei tura beiseiawmte inkhawmpui Viksit Bharat Young Leaders Dialogue 2025-a tel te hi state hrang hrangin anmahni state ṭheuha inelna hrang hrang buatsaiha an thlan te an ni a. Team anga inelna hrang hrangah an tel a, mimal pawh an tihṭhat dan en a ni. Grace Lalrinpari hi inelna hrang hranga tiṭha ber te zing ami niin, India rama ṭhangtharte aiawh tlaka ngaih a ni a. Prime Minister Narendra Modi telna inkhawmah thu sawitir a nih bakah dawhkan khatah chaw chhun kilhotir an ni bawk.#zabilianz Viksit Bharat Young Leaders Dialogue hi kum 25 chhung National Youth Festival lo hman ṭhin thlakna niin, Prime Minister Narendra Modi-a'n nikum India Independence Day-a a sawi - ṭhalai politic...

#ZabilianZ Jan 14: Vawiin khan Tuirial bialtu MLA Pu K. Laldawngliana'n Kawnpui Khualbuk leh VC-I House a hawng a. A biala khawpui ber Kawnpui-a an mamawh hawn a ni ta chu lawmawm a tih thu a sawi. Tuirial bialtu MLA chuan a bial khawpui ber Kawnpui-ah Tourist Lodge emaw mikhual thlenna tur pangngai deuh an nei lo chu veiawm a tih avangin MLA atana thlan tlin a nih ve leh hma an lak nghal thu a sawi a. Tourist Lodge atana sorkar hmasa lama hma lo lak tawh, rokhawlhna avanga kum tam tak chhunzawm tak loh chu a puitlin nan theihtawp an chhuah thu leh SASCI 1st phase atanga chhunzawma Kawnpui Khualbuk sak puitlin a lo nih tak thu a sawi.#zabilianz Kawnpui Khualbuk an hawn ruala Kawnpui VC-I House an hawn chu sorkar laipui atanga scheme lo kal a nih thu bialtu MLA chuan sawiin, a tahtawlin VC House la neilote pek zel an nih thin thu a sawi a. A bial chhungah VC House (Panchayat Bhawan) sak thar, sak mêk leh sak leh tur hmabak te pawh a awm nual thu a sawi bawk.#zabilianz #zabilianznews...

#ZabilianZ Jan 14: Labour, Employment, Skill Development & Entrepreneurship (LESDE) Minister Pu Lalnghinglova Hmar-in vawiin khan Govt. Industrial Training Institute (ITI), Aizawl-ah Toyota Technical Education Program (T-TEP) a hawng a. He training programme hnuaiah hian Toyota Kirloskar Motor Private Limited (TKM) chuan Govt. ITI-a zirlaite General Technician (mechanic) course an zirtir dawn a ni. LESDE Minister chuan thalaite tana tangkai tur thiamthil zirchhuahna bung thar a inhawng leh ta nia sawiin, lawmawm a tih thu a sawi a. Mizoram sorkarin thalai ten chhawr tlak thiamna an neih theihna tura kawng hrang hranga hma a lak thu leh a bikin Skill Development leh Entrepreneurship lama theihtawp a chhuah thu a sawi. TKM nena thawhhona zara hemi kawnga tangkai tur Toyota-Technical Education Program hmalakna chuan zirlaite tan industry lian tak takah te thawh theihna kawng a hawn theih a beisei thu LESDE Minister chuan a sawi a. Chutiang tur chuan zirlaite pawh tih tak takna nen the...

#ZabilianZ Jan 13: Mizoram State Commission for Protection of Child Rights (MSCPCR)-in tunhnaiah naupang kumtlinglo, dan nena inrem lova che hming, thlalak, video leh a nihna tilang thei tur thildang te pholan social media hrang hrangah pholan leh puanzar a nih thu sawiin, hemi chuangchangah hian youtuber thenkhat leh facebooker thenkhat lakah thubuai an thehlut niin an sawi. Hemi chungchangah hian MSCPCR Chairperson Pu Jimmy Laltlanmawia chuan January ni 9, 2025 khan Cyber Crime Police Station, Aizawl-ah FIR an thehlut tih a sawi a. Tunhnaiah naupang dan nena inrem lova che te hming, nihna, thlalak, video leh address te social media hrang hranga tarlan a ni leh thin chu ngaimawhawm an tih thu a sawi a. Hetianga tih hi 'The Juvenile Justice (Care & Protection of Children) Act, 2015, Section 74' in a khap tlat a nih thu a sawi.#zabilianz Naupangte hming, address, thlalak, video leh a dangte pholan chu an lo than len huna khua leh tui tha an nih theihna tur kawng daltu leh mi...

#ZabilianZ Jan 13: Political party hrang hrangin Krismas leh Kumthar chawlh an hman zawh hnu ah vawiin khan an pisa te an hawng tan leh ta a. Rorellai ZPM party pisa, kumin atana hawn tan leh inkhawm-ah an party President Lalliansawta'n thusawiin, "Kalphung thar mipui sorkar chuan a dinchhan ang ngeiin Mizoramah hmasawnna thar a thlen tir mek" a ti. ZPM President chuan, mau tam avanga tam a tlak hnu ah rambuaiin Mizoram a nan chhoh dan te sawiin, amah ngei pawhin kum 4 zet Jail-ah hun a hman thu a sawi a. "UT ah kan ram chu hlankai a lo ni ta a, phuihnam chawr leh bahra laih tur inchuh thin khan Central sorkar atanga sum lo kal kan han inchuh leh ta" tiin, "kan ram tana project tha leh rotling tur ngaihtuahna kan nei pha meuh lova, mahni pumpuarna leh tanghmahai duhnain rilru a luah hneh hle" a ti bawk. "State nih hnuah pawh chu rilru kan la paih hleithei lova, chutianga hun rei tak kan hman hnuah, kalphung thar mipui sorkar a lo dingchho ta a, he...

#ZabilianZ Jan 7: Nimin khan Health Minister Pi Lalrinpuii kaihhruainain Health Department hotute chuan tunlaia natna leng thar Human Metapneumovirus (HMPV) chungchanga India ram leh Mizoram dinhmunte an thlirho a, ruahmanna hrang hrang an siam nghal bawk. Health Minister chairman-na hnuaiah he natna chungchang viltu tur 'Core Committee on HMPV' din nghal niin, State level-ah leh District tinah Rapid Response Team te pawh siam a ni. Health Deptt. chuan HMPV chu tlang hrileng chi khat a nih tuh leh kumdanga leng ṭhin ang tho a nih thu sawiin, mipuite pawh chiai lo turin an chah a. "He natna hrik hi China chauh ni lo, khawvel pumah kumtin a leng a, kumtluana leng a ni a, hritlang satliah angin a langchhuak thin" an ti.#zabilianz Health Deptt. chuan IDSP kaltlangin he natna hi uluk taka vil reng a nih thu sawiin, tunhnaiah Influenza like illness (ILI) leh Severe Acute Respiratory Illness (SARI) case tam thar thut report a awm hran lo niin an sawi a. ICMR leh a hnuaia lab...

#ZabilianZ Jan 7: Mumbai atanga Mizorama lo kal, ke-a kal thei lo, wheelchair hmang, midang tana a thlawna thisen vawi 126 pe tawh  Prakash Nadar-a'n Civil Hospital Aizawl Blood Bank panna turah ramp a awm loh avangin vawin khan People with Disabilities (PwD) Commissioner hnenah complaint a thehlut. Prakash Nadar hian nimin khan Civil Hospital Aizawl-a Blood Bank-ah a vawi 126 nan thisen pek tum mahse, wheelchair hmang te kalna tur ramp a awm loh avangin Synod Hospital, Durtlang-ah thisen a pe a. Civil Hospital Aizawl Blood Bank panna ramp a awm loh avang hian vawiin khan Civil Hospital Aizwl Blood Bank kawtah lungawilohna a lantir a, Mizoram atang pawhin mi engemawzatin tawiawmin, hemi hnu hian PwD Commissioner hnenah a lungawilohna thu a thlen a ni.#zabilianz Blood Bank panna atana ramp siamna tur chu pek vek an nih thu Prakash Nadar chuan sawiin, State Blood Bank lian bera ramp a awm lo chu a hrethiam lo hle tih a sawi a. Hemi chungchangah hian Central sawrkar lamah pawh hmalak ...

#ZabilianZ Jan 06: Election Commission of India ruahmannaa electoral roll ennawn kal mekah vawiin khan district hrang hrangah final electoral roll tlangzarh a ni ta a. MLA bial 40 awmna Mizoramah voter 869813 an awm a, mipa voter 420888 niin, hmeichhe voter 448925 an ni. Electoral roll ennawn hmasaka final electoral roll - February ni 8, 2024 a tihchhuahah Mizorama voter awm zat - 856297 an ni a, tina tihchhuah tak final electoral roll-a voter punna chu 13516 a ni. MLA bial 12 awmna Aizawl district-ah voter tam berin, voter 292115 (mipa 136350; hmeichhia 155765) an awm a, Aizawl district-a voter punna 3847 a ni.#zabilianz MLA bial 6 awmna Lunglei district-ah voter 102304 (mipa 50679; hmeichhia 51625) an awm a, Lunglei district-a voter punna 1534 a ni. MLA bial 3 awmna Lawngtlai district-ah voter 94514 (mipa 47158; hmeichhia 47356) an awm a, Lawngtlai district-a voter punna 2105 a ni.#zabilianz MLA bial 3 awmna Mamit district-ah voter 66552 (mipa 33564; hmeichhia 32988) an awm a, Mamit ...

#ZabilianZ Jan 04: Dr. Selbuanga Foundation (Sel Foundation) bultuma siam, mi pli-in zirchianna behchhana an ziak 'Mizo History leh Sailo Lal Ropuite : Vandula leh Ropuiliani' tih lehkhabu chu vawiin khan Aijal Club-ah Chief Minister Lalduhoma'n a tlangzarh. He lehkhabu hi Sel Foundation-in history lam thiam mi pali thawhpuia an buatsaih a ni a. A ziaktute hian history thuziak awm tawhsa leh tawngkaa thu inhlanchhawn an hmuh theih ang ang, Mizoram leh a thenawm state archive ami te thlenga dapin, an thil hmuh leh hriat te atangin scientific research methodology hmangin he lehkhabu hi an buatsaih a ni. Ropuiliani phumna dik tak hre tura DNA test kalpui mek a nih thu an sawi bawk.#zabilianz #zabilianznews #zofatehuapzo 

#ZabilianZ Jan 04: Zokhawthar-a India leh Myanmar inkalpawhnaa mihring kaltlangna chu kumin January ni 1 atang khan venhimna khauh zawka kalpui a ni a, ramri paltlang tum ten border pass an neih a ngai tawh dawn. Champhai District SP chuan thuchhuah siamin, sawrkar laipuia Home Ministry thuchhuak zulzuia Mizoram Home Department-in thuchhuah a siam angin India leh Myanmar ramri paltlang tumtute chuan border pass an neih ngei a ngaih tawh tur thu tarlan a ni. Zokhawthar leh Hnahlan atanga ramri paltlang tur, India ram atanga lut leh chhuak tur te chuan ramri atanga KM 10 huam chhunga cheng an ni ngei tih finfiahna certificate, police station officer in-charge emaw, an chenna khaw roreltu emaw, khawtlang hruaitu sawrkar hriatpui emaw hnen atangin an nei ngei tur a ni a, an lehkha hmang hian ramri a duty ten border pass an lo siamsak thin tawh dawn a, hemi tel lo chuan ramri paltlang a theih tawh dawn lo a ni.#zabilianz Thuchhuahin a tarlan danin, border pass hi ni 7 ral hmain pass an lakn...

#ZabilianZ Jan 04: Chief Secretary Khilli Ram Meena-a'n vawiin khan Kolasib district tlawhin, Godrej Palm Oil Mill, Bukvannei ami a tlawh bakah Kolasib district-a sawrkar office hrang hranga hotute a kawm bawk. Kolasib district chu Mizoram state luhkha pawimawh a nih avangin sawrkar hmun pawimawh a nih thu Chief Secretary chuan sawiin, sawrkar hmalakna tur te pawh chak taka kalpui a tul thu a sawi a. Inkalpawhna kawng tha neih chu hna hmasaa neih a tul thu sawiin, loneitute pawh mipui nunna hnar pawimawh an nih angin loneitute mamawh ngaihtuaha an hnena thlen chu sawrkar ngaihpawimawh a nih thu a sawi. Chief Secretary chuan Kolasib chu Assam state nen inthenawm a nih avangin sawrkar dan kalha state pawn atanga thil chawkluhna kawng a ni tih hre reng turin deptt. hrang hrang hotute chu a chah a. Chak zawka hmalak a nih theih nan state thenawm nen inlaichinna tha siam a pawimawh thu pawh sawiin, state sawrkar thuneihtu nen pawh inbiakpawh that a tul thu a sawi bawk.#zabilianz #zabili...