ZabilianZ

#ZabilianZ Jan 31: VC inthlan lo awm tur atana campaign-a Buarpui tlangdung fang mek ZPM President Pu Lalliansawta'n opposition VC na hmun thenkhatah sawrkarin khawtlang hmasawnna tura ruahmanna a siamte lo tikhawlhkham duh an awm niin a sawi a. Sawrkar hmalaknain tha zawka mipui hnen a thlen theih nan ZPM party VC neih ngei a tul ta hle niin a sawi. ZPM President chuan ZPM party lo din chhan chu Mizorama hmasawnna a kai rual loh avang leh ram rorelna felfai tawk loh vang a ni ber niin a sawi a. "Chu chuan khawtlang thlengin nghawng nasa tak a nei thin" a ti. ZPM party a lo din hnu ah kohhrana Pathian rawngbawltu ten ram veina thinlung an pu thar ta hle nia sawiin, "Lal Nehemia'n Jerusalem a tungding leh ang khan kan ram siamthat a tul zia hriain, Pathian rawngbawltu mi tam tak he party-ah hian an lo haw khawm mek" ZPM President chuan a ti a. "Kan ram tungding leh turin ke kan pen ho mek a ni," a ti bawk. #zabilianz #zabilianznews #zofatehuapzo ...

#ZabilianZ Jan 31: MPCC President Lal Thanzara'n an sawrkar leh a, an hotu ten rem an tih chuan ZMC hming chu - Mizoram Institute of Medical Education and Research (MIMER) - tia an thlak leh tur thu a sawi. Mizoram Pradesh Congress Committee (MPCC) Friday political session leh m mithar lawmluh inkhawm Congress Bhavan, Aizawla neihah he thu hi vawiin khan MPCC President chuan a sawi a. Tuirial hydel project, Lengpui Airport leh Medical college te chu Congress party-in ram rotling an siam zing ami nia sawiin, "ZPM party hian enkawl thiam lovin tihral an tum mek a ni" a ti. MPCC President chuan "Medical college kan neihchhun chu central hlan mai an tum a, central-in 'kan lo enkawlpui ang che u' an tia, an hlan lo mai a ni" a ti a. "MNF-in medical college hming an thlak a, ZPM-in an thlak leh" tiin, an sawrkar leh a, an hotu ten rem an ti a nih chuan a tira a hming -Mizoram Institute of Medical Education and Research (MIMER)- tia an thlak leh tur t...

#ZabilianZ Jan 28: Minister of State B. Lalchhanzova'n ZPM a din hnu ah Mizoram politics nasa taka siamțhat a ni tawh niin a sawi a. Thil țha tih kawngah an intlansiak țan mek nia sawiin, dik taka thawk tura intiam an nih avanga dik tura theihtawp an chhuah thu a sawi. Aizawl West II biala ZPM LC candidate-te inhmuhkhawmna a hmanpuinaah he thu hi Supply Minister B Lalchhanzova chuan a sawi a. "Mirethei dik tak ten ration buhfai man tlawma an khul chhunzawm zel theihna turin ration card ennawn chhoh zel tur a ni" tiin, "mahni awmna tur ni lova awm chu thil zahthlak a ni" a ti.#zabilianz ZPM LC candidate-te chu thlan tlin an nih chuan ration card siam dik a pawimawh thu hrilhin, mirethei chu eng party mi pawh ni se duhsak tur an nih thu a sawi a. Party chakna hmanga mirethei chan tur ration changa mi awm thei zawk inziahluh chu tihtawp a țul thu a sawi. B Lalchhanzova chuan politics chu ram rawngbawlna a nih thu leh chutiang rilru pute tana khelh tur chi a nih thu...

#ZabilianZ Jan 28: Aizawl West II bialtu MLA, Minister of State Lalnghinglova Hmar-in Mizoram sawrkarin Aizawl West II bial chu a duat hle nia sawiin, "kum khat chhung lekin cheng nuai 4500 chuanga thuam tura pawisa dah tawh a ni" a ti. Aizawl West II biala ZPM LC candidate-te inhmuhkhawmna nimina Vaivakawn-a neihah he thu hi bialtu MLA Lalnghinglova Hmar chuan a sawi a. Tuikual South atanga Dinthar veng thleng kawngpui thar sialna tur sum pek an ni tawh nia sawiin, "Tuikual lui kam tluanin kawngpui kan nei dawn" a ti a. Local Council inthlan zawh ve leh tender chhuah a nih tur thu a sawi. He kawng siamna atan hian administrative approval leh expenditure sanction hmuh a nih tawh thu bialtu MLA chuan sawiin, cheng vaibelchhe 20 dah a nih thu a sawi a. "Kawngpui siam zawh a nih rualin Tuikual leh Dinthar veng mawng ber ber te chu kawngpui lian kama cheng in ni tawh ang, kuminah hna kan țan dawn" tiin, "MLA inthlan dawn khan min intiamtir in tum țhin kha...

#ZabilianZ Jan 28: MNF Vice President, Opposition Leader ni bawk Lalchhandama Ralte-in "khuarel chhiatna rawn thleng palh thut ta se, ṭâm hmachhawn thei reng dinhmunah kan ding mêk" a ti. VC inthlan lo awm tur atana a bial Tuivawl biala campaign mek MNF Vice President chuan vawiin khan Zokhawthiang, N. Tinghmun, Upper Sakawrdai leh Sakawrdai te tlawhin he thu hi a sawi a. "MNF sorkar lai, buhfai man Rs 15 a nih lai khân buhfai kudam te a khat tlângpui a, vawiinah chuan ration la tûr khaw hrang hrang ten an nghâk rei ṭhin hle" tiin, khuarel chhiatna thleng palh thut se, tâm hmachhawn thei reng dinhmunah Mizoram chu a ding niiin a sawi. Lalchhandama Ralte chuan "Sawrkarin 'kawng siamna tûr' tiin road tax a tisâng a, oil man a tisâng bawk a, an cess lâk chu 'kawng siam nan kan hmang dâwn' ti reng chung siin, kan supply line kawng a la chhe êm êm reng a ni" a ti a. "Buhfai man a lêt thawkin an tisâng a, kan hnianghnar phah lêm lo" tii...

#ZabilianZ Jan 28: MZP leh Thangram Indigenous Peoples' Movement (TIPM) hruaitu ten vawiin khan Chief Minister Lalduhoma hmuin, Thangram dinhmun hrang hrang an sawipui. MZP leh TIPM hruaitute chuan Assam awp chhung Thangram area Sq. Mile 180-a zau chu Mizoram-a rinluh a nih theihna tura hmalakpui turin Chief Minister chu an ngen a. Assam awpna hnuaia awm Zofate tan Mizoram chhunga awm chu an hnam leh sakhaw tan a him bera an rin thu an sawi.#zabilianz Assam awp chhung, Thangram (Singla Valley leh Langkaih Valley) chu Zofate chenna a nih avangin hnam lian zawk ten an nek reng a, Assam sawrkarin Forest Reserve Area-a a ngaih avangin, Thangram chhunga Zofa ten in leh lo din kawngah harsatna nasa tak an tawk thin tih MZP leh TIPM hruaitute chuan Chief Minister chu an hrilh a. Kawng tam takah harsatna an tawk thin nia sawiin, an unaute awmna Mizoram chhunga Thangram chu rinluh an duh thu an sawi a ni.#zabilianz Chief Minister Lalduhoma chuan Thangram mipuite a hriat reng thu lo hrilhin,...

#ZabilianZ Jan 28: Health Minister Lalrinpuii'n Health department chu tunhmain hruaitu thenkhat ten politics khelh nan an lo hman thin avangin, department chhungah siamrem ngai leh hmalakna tur mipui nghawng thil a tam hle niin a sawi. ZPM, Mara District Hqrs. office, Siaha-ah he thu hi vawiin khan Health Minister chuan a sawi a. "Hmun thenkhatah sub-centre, PHC, CHC kan enkawl zawh bak leh function thei si lo an lo siam duah mai a, chu chuan thawktu indaihlohna a thlen nasa" tiin, "kihhnawk tam tak min hnutchhiah a, kan thianfai mek a ni" a ti.#zabilianz District hospital tin te an thuamchak mek niin Health Minister chuan sawiin, an hmanraw mamawhte pawh CSR leh IOC kaltlangtein an ngaihtuah mek niin a sawi a. Siaha district pawhin malsawmna thar an dawng dawn nia sawiin, kalphung thar mipui sawrkarah Siaha district-in kawng hrang hrangin hma a sawn mek niin a sawi. Social Welfare & Tribal Affairs leh Tourism Minister ni bawk Lalrinpuii chuan ruihlovin Mizo...

#ZabilianZ Jan 28: Ni hnih awh tur CPSE level vendor development programme chu vawiin khan Commissioner & Secretary, Commerce and Industries Dr. Lalzirmawia Chhangte-in Vanapa Hall-ah a hawng. Commissioner & Secretary, Commerce and Industries chuan entrepreneurs te chu ram vengtu sipaite tih lova mihuaisen ber te an nih thu sawiin, an hna/sawmdawnna ah pawh ram hmasawnna dah liana, dah hmasa turin a chah a. He hun hian industry lam hmasawnna atana MSE leh CPSU te thawhhona tha tak a siam tur thu sawiin, sawrkar pawhin heng kaltlang hian thalai entrepreneur te tana kawng sialsak zel a tum thu a sawi bawk. CPSE level vendor development programme-in a tum ber chu sumdawngte leh a dawrtu ten sawrkar department hrang hrang leh MSE te thil siam chhuah phochhuahna hmun leh hun siamsak a ni a. Vendor registration process te hrilhfiahna hun, leh CPSU leh MSE te inkara thawhhona tha leh chak zawk siam te pawh a thil tum zing ami niin, Ministry of Micro, Small and Medium Enterprises hian ...

#ZabilianZ Jan 27: Larsap Gen.( Dr) VK Singh-a’n vawiin khan Central YMA hruaitute lengah sawmin, Mizo khawtlang nunah YMA pawimawhna leh a hnathawh te a lo hriat tawh thu CYMA hruaitute chu a lo hrilh a. Mizoram leh Mizo khawtlang nun siamthat kawnga theihtawp chhuah zel turin a sawm bawk. Central YMA hruaitute chuan NGO Darpan portal chungchanga harsatna an neih te siamrem a nih theihna tura hma laksak turin Larsap chu an ngen a. India Constitution 8th Scheduled-a Mizo tawng dah ve a nih theihna tura hmalakpui tur leh hemi chungchanga Prime Minister hnena lehkha an siam chu thehluhsak turin an ngen. Larsap leh CYMA hruaitute inkawm chuan Mizoram leh state dang inkalpawhna kawngpui tha hleitheilo chungchang pawh an sawiho a. Larsap chuan Mizorama a awm chhunga inkalpawhna kawngpuiin hma a sawn theihna tura tanlak a tum thu leh kawng chhia te pawh tlawh a tum thu a sawi.#zabilianz Ruihhlo-in Mizo khawtlang nun a run nasat dan leh thalai tam tak ruihhlo bawiha an tan dan te, ruihhlo do ...

#ZabilianZ Jan 26: Lunglei Bawrhsap Navneet Mann-i'n nikum 2024 chhung khan Rs. nuai 267.15 senga sak Primary Health Centre (PHC), Lungsen leh Rs. nuai 396 senga sak Civil Hospital, Lunglei Laboratory building (supplementary work) sak hna zawh a nih thu a sawi. He thu hi vawiina Lunglei-a India Republic Day lawmna-ah Lunglei Bawrhsap chuan a sawi a. 33kV Sub-Station, Lungleia control & relay panel bun hna te, Govt Higher Secondary School, Lunglei building thawmṭhat hna te, Mautlang P/S building chhia siamṭhat hna leh Govt Tlabung H/S leh Govt Leitlangpui H/S-a vocational education classroom sak hna te pawh zawh a nih thu a sawi. Rs nuai 600 senga Lunglei Solid Waste Management Centre Phase-I siam hna thawh mek pawh za-a 95 zawh tawh a nih thu leh Phase-II pawh Rs nuai 698 hmanga thawh ṭan leh mek a nih thu Lunglei Bawrhsap chuan a sawi a. AMRUT 2.0 hnuaia Rs nuai 997.78 senga Greater Lunglei Water Supply Scheme tihchangtlun hna thawh mek pawh za-a 82 zawh tawh a nih thu leh Lun...

#ZabilianZ Jan 26: NECS Chairman, Aizawl Football Club Director ni bawk Vanlalfelpuia Royte-in Times of India buatsaih Business Awards-ah 'North East Young Entreprenuer of the Year Award' a dawng a. He chawimawina hi tun thla ni 24 zan khan Guwahati-ah hlan a ni. Times Business Awards 'North East Young Entreprenuer of the Year Award' hi Bollywood star Sharman Joshi-a'n Vanlalfelpuia Royte hnenah hian a hlan a. Chief Organiser Dr Soumen chuan he chawimawina hi North East a mihlawhtling award dawng tlaka ngaih te hnena hlan a nih thu a sawi. Felpuia Royte hi NECS-in state 3 - Meghalaya, Nagaland leh Mizoram state hmasawnna atana an thawhhlawk avang te, Aizawl FC tana sum thawha India team leh club lian te khel tur player tam tak chherchhuaka thalai tam tak eizawnna an siamsak avang leh sum leh hamthatna hmuhlet tur awm lo ah pawh midangte an tanpui thin avangtea he award hi hlan a ni.#zabilianz #zabilianznews #zofatehuapzo

#ZabilianZ Jan 26: India ramin ama puala Danpui a buatsaih a hman tan ni champha hriatrengna -Republic Day- chu vawiin khan India ram hmun hrang hranga hman a ni a. Mizoramah pawh tukin dar 7:30 khan Sipai Lammual- he ni hi lawm niin, Larsap Gen (Dr) VK Singh-a'n India hnam puanzar pawtpharhin parade contingent 23 ten hnam puanzar zahna chibai an buk a chhanglet bawk. Larsap Gen (Dr) VK Singh chuan "He ni pawimawh takah hian kan hman tur Danpui kan insiama, hei hian dikna, zalenna leh intluktlanna min pe a ni," a ti a. India in danpui leh zalenna a neih theih na tura theihtawp chhuahtute zahna chibai a buk. Sawrkar hmalakna leh hlawhtlinna tam tak zinga langsar zualte Larsap chuan sawiin, sawrkar flagship programme Bana Kaih hnuaiah mahni kutkawiha eizawng leh kuthnathawkte puih tum a nih thu leh hei hi India ram intodelh 'Viksit Bharat 2047' hlen chhuah theih na tura pawimawh tak a nih thu a sawi a. He scheme hnuaiah hian progress partner-te chu hmalakna tur loan...

#ZabilianZ Jan 25: Excise and Narcotics Department leh Assam Rifles thawkdunin nimin tlai dar 6:30 khan Chhungte khua, Champhai district-ah Heroin kg 5 leh gram 73 (hawng 440) leh a neitu nia puh mi pahnih - Gilbert Lalnunhlima (27), Bairabi (Rail crossing) leh Lalawmpuia (29), Zemabawk (Beraw) nia inchhalte an man a. Heroin phurhna atana an hman, truck MZ 01 F-9135 chu an hrensak bawk. Nizan vek khan heroin Gram 23.600 (Hawng 2) leh a neitu nia puh, Rorelkima (27), Vanhne, Lunglei district-a khawsa nia inchhal pawh man a ni a. Rorelkima'n heroin phurhna atana a hman, Maruti Alto K-10 thar, registration number la nei lo pawh hrensak a ni. Heroin vanga man te hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, District & Sessions Court, Champhai District-ah hruai nghal an ni.#zabilianz #zabilianznews #zofatehuapzo

#ZabilianZ Jan 25: Lok Sabha MP Pu Richard Vanlalhmangaiha'n nimin khan Mizoramin power a lakna NEEPCO, Tuirial tlawhin, Mizorama power an pek chhuah dan te enpuin sawrkar nena an thawhho dan te leh power man tlem zawka lak theih dan te a sawipui. NEEPCO hotute chuan kumdangah Mizoram sawrkarin power man a pek theih thin loh avanga buaina an tawh thin thu Lok Sabha MP chu lo hrilhin, tunah erawh NEEPCO enkawl state dang zawng aia ba nei tlem ber an nih thu leh Mizoram sawrkar chunga an lawmthu an lo hrilh. Ruahtui a tam tawk thin loh avanga an duh ang power an siam chhuah theih loh thu pawh NEEPCO hotute chuan MP hi an lo hrilh a. Nikum lamah erawh ruahtui a tam avanga a vawikhat nan spill way pawh an hawn a ngaih thu an sawi.#zabilianz Lok Sabha MP Pu Richard Vanlalhmangaiha chuan NEEPCO hotute chu CSR pawh Mizoram chhungah a tam thei ang ber Mizo mipuite tana hmang turin a ngen a. NEEPCO-a thawk te pawhin an harsatna te lo thlenin, Central lama an hotute hnena lo thlen turin an l...

#ZabilianZ, Jan 24: Mizo Hnamro Chawisang Pawl, Jail veng, Dawrpui chuan vawiin January ni 24, 2025 hian an kum 50 tlin an lawm dawn a. Golden Jubilee lawmna inkhawm hi Hnamro Zawlbuk, Dawrpui-ah chawhnu dar 1-ah tan a ni ang a, bialtu MLA, Minister of State B. Lalchhanzova leh AMC-a bialtu Executive Corporator B. Lalawmpuii ten an hmanpui ang. Tlai-ah Golden Jubilee ruai thehin, zan lamah Hnamro Chhangban Zan an hmang dawn bawk. Mizo Hnamro Chawisang Pawl hi kum 1975, January ni 4 zana nu leh pa leh thalai kalkhawm ten 'Nun siamtha pawl' tih hmingpu-in an din a. Kum 1977, January ni 28-ah Mizo Hnamro Chawisang Pawl tia thlak a ni a. March 11, 1976 ah membership fee an khawn \an a, Kum 1985-ah sawrkar-ah an in register ta bawk. He pawl hi khawtlang nuna sualna chi hrang hrang - zu leh sa, hmeichhe buan chaklo (KS) ten khawtlang an chiahpiah nasat avanga khawtlang thian thianghlim tura din a ni a. Dawrpui VC leh Dawrpui |halai Pawl (D|P) te nen tanghovin hemi kawngah hian hma an...

#ZabilianZ Jan 23: Village Council (VC) leh Local Council (LC) inthlan lo awm tur chuh tum te tana hming pekluh theih hun chu vawiin tlai dar 3 khan a tawp ta a. Hriat theih chinah VC pathum chu inthlan ngai lo tur dinhmunah an ding mek. Chief Minister Lalduhoma khua Tualpui-ah chuan ZPM VC candidate te chuhtu an awm lova. Tualpui Welfare, Aizawl-in an tarlan danin, Chief Minister Lalduhoma khua-ah hian party inhruipawhna awm lova, ZPM party candidate te lungrual taka thlawp turin party tin te an ngen a, party hrang hrang te pawhin Tualpui Welfare, Aizawl ngenna hi an pawm a ni. Tualpui Welfare, Aizawl ngenna hi party hrang hrang te chuan Chief Minister Lalduhoma chawimawina leh khawtlang inlungrual tak an nih lantir nan pawmin, ZPM candidate te lungrual taka thlawp chu an remti ta nia thudawn a ni.#zabilianz Tuirial bial-a Kawnpui VC-III atanga indang thar Kawnpui VC-IV ah pawh VC thar an neih avanga Mizoram sawrkar hnena lawmthu sawi nan party hrang hrang te an insiamrem nia thudawn ...

#ZabilianZ Jan 22: MNF party-in vawiin khan thuchhuah siamin, truck tlan ngamna tura Vairengte - Sairang kawng siamtha thuai tura sawrkar an phut thu an tarlang a. Mizoram Truck Owners' Association (MTOA) leh Mizoram Truck Drivers' Association (MTDA)-in kawng chhia avanga an tlan ngam tawh loh tur thu sawia naktuk - January ni 23, 2025 atanga he kawnga tlan rih tawh loh an tum chu lungchhiatthlak an tih thu leh Mizoram sawrkar inthlahdah vanga thil thleng nia an ngaih thu an sawi. Mizoram sawrkar chu truck tlan ngamna tura Vairengte - Sairang kawng siamtha thuai turin MNF party chuan an phut a. "PWD Minister berin kawng siamna tura pawisa a awm thu a sawi reng lai leh kha leh chen ruahtui tla lo va khua a tha chung pawha he kawng siamthat tum si lo, niminpiah - January ni 20, 2025 atang chauha siamtha tura Mizoram PWD-in hma a la tan ve chauh hi MNF chuan sorkar inthlahdah lutuk avanga che tlaiah a ngai" an ti a. PWD Minister chu chak taka hma la a, kawng chhe lai te ...

#ZabilianZ Jan 22: Chief Minister Lalduhoma'n sawrkar hmalaknain mipui tana hmasawnna tluantling a thlen theih nan sawrkar thawhpui thei tur LC/ VC sawrkarin a mamawh thu a sawi. Vantawng group YMA hall, Thenzawla ZPM Thenzawl block huam chhunga VC candidate puan inkhawmah he thu hi vawiin khan Chief Minister chuan a sawi a. "Mipui sawrkarin kan ram rorelnaa Pathian ram a thlen theih nan leh sawrkar hmalaknain mipui tana hmasawnna tluantling a thlen theih nan sawrkar lai thawhpui thei tur LC/ VC sawrkarin a mamawh" a ti a ni. Lalduhoma chuan "LC/VC te hi sawrkar kut leh ke pawimawh tak an ni" tiin, "LC/VC tha nei veng leh khua chuan hmasawnna tam tak an khawtlang tan an chawlut thin a, chutih laiin opposition LC/VC zingah sawrkar thawhpui hleitheilo an awm hian sawrkar hmalaknain mipui a thleng zo lo fo thin" a ti a. "Kan ram rorelnaa Pathian ram tundinna tur leh hmasawnna mipui thleng phak kan neih theih nan sawrkar thawhpui thei tur LC/VC kan ma...

#ZabilianZ Jan 20: Chief Minister Lalduhoma'n "GST registration nei lo hnenah eng contract hna mah pek loh tur" a ti a. "Contract diltu chuan GST registration an nei ngei tur a ni" a ti. Disaster Management & Rehabilitation (DM & R) leh Department of Personnel & Administrative Reforms (DP & AR) te review meeting a neihpuinaah he thu hi vawiin khan Chief Minister chuan a sawi a. "Contract hna atangin chhiah tam tak a hmuh theih a, chan kan phal lo" a ti. Agreement tha tak nen chauh contract hna pek tawh tur a nih thu Chief Minister chuan sawiin, "contractor lam chan tha sa ranin agreement hi kan ziak fova, a phenah thil rinhlelhawm tak a lo awm duh viau lehnghal" a ti a. A neitu, a pawisa tumtu sawrkar chu a dawih zawkah a tang fo nia sawiin, hrem chakawm tak tak pawh an hrem ngam loh phah niin a sawi.#zabilianz One department, one bank system pawh kalpui thaa an hriat thu leh hriattirna tihchhuah thuai an tum thu Chief Ministe...

#ZabilianZ Jan 20: Mizoram Journalists' Association (MJA) Gen. Hqrs-a member ten vawiin khan Aizawl Press Club-ah kumthar atana Pathian hnena inhlantharna hun hmangin thingpui an inho a. MJA President C. Lalrambuatsaiha'n MJA member-te chu taimakna leh thawhrimna tel lovin eng kawngahmah a hlawhtlin theih loh tih hre thar turin a chah. MJA President chuan khawvel changkang zelah internet-in a run mek tih sawiin, social media leh hmasawnna hrang hrangin thuthar thehdarhtute chu nasa takin a tibuai a, an dinhmun chu derthawng taka a dah mek avangin hemi laka mahni inchhan chhuak tur leh talchhuak turin thawhrimna leh taimakna chu kawng awmchhun a ni tih an hriata, theihtawp an chhuah a tul thu a sawi.#zabilianz C. Lalrambuatsaiha chuan MJA member ten khawvel chu a thiam leh ti thei te dinchanna a ni tih an hriat reng a tul thu a sawi a. Dam khawchhuak tura theihtawp an chhuah loh chuan tu ten emaw an hliahkhuh mai dawn avangin theihtawp chhuah zel turin MJA member te chu a chah b...

#ZabilianZ Jan 20: MPCC President Lal Thanzara'n Pathianin kohhran leh politics chu a rawngbawl nan, ram siamthat nana a pek niin a sawi a. Village Council ṭha, Local Council ṭha neih loh chuan ram ṭha a neih theih tak tak loh niin a sawi. He thu hi vawiina Congress party Local Council member te nena Lal Thanhawla Auditorium, Congress Bhavan-a an inkawmhona ah MPCC President chuan a sawi a. Ram siamṭha turin politics leh kohhran kan tanrual a ngai nia sawiin, village level-ah local level-ah chhungkaw ṭha din phawt a ngai niin a sawi.#zabilianz Lal Thanzara chuan "Kan ram hi chhan tlak a la awm" tiin, "Mahse, ZPM sawrkar hian an term an hman zawh chuan kan chhe viau ang" a ti a. "Sum an pûk pawp pawp dan te pawh kan hre vek a, engvanginnge an pûk an pûk a ngaih? Central-a a chahbi kawltute khu he sawrkar chungah hian an lawm viau lo a nih ka ring, chuti ni lo se chuan pawisa an pûk an pûk ngai lo hian an rawn enkawl theih ka ring" a ti.#zabilianz ZPM ta...

#ZabilianZ Jan 20: Hachhek bialtu MLA Robert Romawia Royte-in ZPM-in kum khat chuang rorelna a chan hnuah pawh Hachhek bialah hmasawnna hnathawh sawitham a nei lo niin a sawi a. "MNF sawrkar sum sawichhuah sa leh sawrkar hmasa hna pek tawh sa cancel-a ZPM party mi ten hna chhe tak taka an thawh te chu an sawi tur neihchhun a ni mai" a ti. A bial fang mektu Hachhek bialtu MLA chuan kum 1 chhunga ZPM sawrkarin Hachhek bial tana a tih langsar nia a sawi te chu - "Mizoram chhung Phuldungsei khuaa Mizo 85 te ration card, Mizoram Adhaar nena online-a link thlap tawh cancel te; Health Clinic Centre 11-a Nurse thawklai tihtawp vek te; SEDP Teacher ban vek te; Zirtirtu leh sawrkar hnathawk ban leh transfer te leh work supervisor lem invilik em em te hi an thil tih awmchhun a ni" a ti bawk.#zabilianz Hachhek bialtu MLA, MNF thalai President ni bawk Robert Romawia chuan "ZPM sawrkar hotu ten 'kan ti ve lovang' an tih apiang an ti a, 'kan ti ang' an tih era...

#ZabilianZ Jan 20: MNF Vice President Vanlalzawma'n LC/VC inthlan lo awm turah, MNF block leh unit hruaitute an phur hle nia sawiin, "ZPM sawrkar a lo pian theihna tura vote tu tam tak ten ZPM sawrkar an support-na an in-withdraw mek vang a ni" a ti. He thu hi vawiina MNF party chhung inkhawmah MNF Vice President chuan a sawi a. "ZPM sawrkar chu, inthlan hma a an sawi angin an awm lo, an sawi loh angin an awm zawk" tiin, an sawrkar hma leh an sawrkar hnu a an thusawi a insual nasa hle niin a sawi. Vanlalzawma chuan "Sawrkar kan hrawn mekah thalai beidawng an tam" tiin, thalai beidawngte luhkhawmna buatsaih a ṭul thu leh hmeichhe tana hamthatna siam chungchang MNF party-in an ngaihpawihmawh a ṭul thu a sawi a. Sawrkara beidawngte luhkhawmna turin MNF party chu a inbuatsaih mek niin a sawi bawk.#zabilianz MNF Vice President chuan Covid avanga harsatnate, Assam nen kan ramri avanga ram humhalh kawngahte, kan unau raltlan - Bangladesh, Manipur leh Myanmar ...

#ZabilianZ Jan 20: Agriculture Minister PC Vanlalruata'n Mizoram sawrkarin February ni 20, 2025 atangin Sawhthing a lei tan dawn niin a sawi a, sawhthing chingtute lo inbuatsaih turin a chah. He thu hi vawiina ZPM party chhung inkhawmah Agriculture Minister chuan a sawi a. Lalduhoma kaihruai sawrkar-in thuneihna an chan atanga kum khat chhungin sawrkar kal tawh te kihhnawk tam tak an thianfai nia sawiin, an thianfai mek zel niin a sawi. Sawrkar kal tawh ten an flagship programme chu an term tawp dawn lamah an buaipui chauh thin nia sawiin, Agriculture Minister chuan "inthlan dawna politics khelh nan te pawh an hmang fo" a ti a. "Kalphung thar mipui sawrkar erawh chuan kan policy-te term tawp dawna politics khelh nan hman kan tum ve lo" a ti.#zabilianz Agriculture Minister chuan Bana kaih – hand holding scheme hmanga kuthnathawktute khaichhuah an tum thu leh thlai pali - Sawhthing, Aieng, Hmarcha leh Hmunphiah lei tura an inbuatsaih chhoh mek thu a sawi a. Hmunph...

#ZabilianZ Jan 20: Tlawng luia chesual nia rin, PHE Deptt-a thawk Zosangliana, Chanmari Veng, Aizawl chu vawiin khan Tlawng lui-ah a ruang hmuh a ni. Tarlan tawh angin, kum 37 mi Zosangliana hi kar kalta Zirtawpni, January ni 17 zan dar 8 vel khan hnathawka an awmna PHE pump, Reiek kai atangin Sangha man tura insawiin a chhuak a, lenkhang a zar nia hriat niin, a len te leh a silipar bun te pawh lui kamah hmuh a nih avangin tui-ah a chesual nia rin a ni a. Chanmari YMA, Maubawk YMA te, Chanmari veng thenawm veng hrang hranga YMA leh LC lam te, Sairang lam tui thiam te leh Central YMA disaster response team te nen theihtawpa zawn a nih hnu ah vawiin khan a ruang hmuh a ni ta a ni. Thudawn danin, ruang hi vawiin chawhnu her-ah khan hmuh niin, lak chhuah a ni tawh a, Aizawl lam pan tura buatsaih mek a ni a. Zanin dar 8:30-ah Chanmari YMA Hall-ah vui tura ruahman a ni#zabilianz #zabilianznews #zofatehuapzo